OHIO, Merca- Un studiante di 7 klas di un scol secundario na Ohio, a tira su mes den baño di campus.
Jackson Memorial Middle School a wordo cera diamars trempan despues cu e studiante a tira su mes den baño di homber, algo prome cu 8 or di mainta.
E hoben a wordo transporta pa hospital pa tratamento medico pa heridanan ricibi pero su condicion no ta conoci.
Polis no a revela si e tiro tabata intencional of un accidente.
Mayornan a core bay busca nan yiunan na Jackson Middle School, cerca di Massillon, despues cu e scol a saca un comunicado over di e tiroteo.
Autoridadnan oficial y di scol a bisa cu nan no sa si e studiante tabata su so na momento cu el a tira y no a saca niun comunicado oficial di e sucedido.
Fuente: http://www.dailymail.co.uk