MOSCU, Rusia- E curpanan sin bida di e profesor y e alumno a wordo haya den un instituto di educacion secundario na Moscu. E Comite di Investigacion di Rusia a habri un investigacion despues di e asesinato den e Compleho Occidental di Educacion Continuo, un instituto di formacion profesional situa west di Moscu.
Diaranson, forsanan di orden publico a haya e curpanan sin bida di un profesor, naci na 1973 y di un alumno, naci na 1999 cu multiple herida di arma blanco na su garganta.
E studiante sospecha di e asesinato a publica ariba rednan social Ruso VK varios potret unda e ta aparece cu e profesor tur na sanger benta abao na suela, mientras cu e ta pose cu un cuchiu cerca di e curpa. Despues di varios keho di usuarionan, e account a wordo blokia pa administradonan di e pagina. Un fuente di forsanan di siguridad a comenta cu ta trata di e studiante Andréi Yemelyánnikov. Al parecer, e hoben lo a comete suicidio despues di a comete e crimen.
Fuente: https://actualidad.rt.com
.