CINCINNATI, Ohio – Otto Warmbier, e studiante Mericano cu a wordo libera pa Noord Korea den estado di coma, a fayece dialuna segun fuentenan familiar a informae agencia AFP.
E hoben a wordo acusa pa subversion na Maart di 2016 y condena na 15 aña di trabao forsa na Noord Korea door di purba di bay cu un borchi cu tabata tin un slogan politico di un zona reserva pa e personal di hotel.
“Ta nos tristo deber anuncia cu nos yiu homber, Otto Warmbier, a caba cu su biahe riba tera. Rodea pa su famia cu cu stim’e, Otto a fayece awe na Cincinnati (Ohio, nort),” su famia a conta.
Warmbier tabata studiante di e Universidad di Virginia y a wordo deteni na comienso di Januari ora cu e tabata purba di bandona e pais, despues di un bishita como turista cu un grupo cu a biaha pa e fiestanan di Aña Nobo.
Fuente: www.ntn24.com