MERCA – Tiffany Martinez ta bisa cu semper el a sinti su mes descrimina den su klas door di ta Latino. E ta studiante di letras y ta aspira pa comberti den un profesora universitario. E ta bisa cu pa motibo di su nomber y su aspecto hopi biaha nan ta huzg’e prome cu e habri su boca, pero cu na caminda di converti den loke e ta soña cun’e e traga e dolor cu esey por produci.
Pero diabierna ultimo, un palabra tabata suficiente pa e halsa su voz.
Un profesor a entreg’e un ensayo den klas y segun Martinez, el a papia fuerte pa su compañeronan por scucha. El a bisa e studiante “esaki no ta bo lenguahe” y el a duna e trabao cu den e parti superior tabata bisa “por fabor indica den ki parti bo a copia y pega,” segun Martinez a relata den su blog.
“El a asumi cu e trabao cu mi a entrega no tabata dimi. Mi profesor no a puntrami si esey tabata mi lenguahe, sino cu el a señalami dilanti di mi compañeronan,” e studiante a bisa.
Den e di dos pagina di e ensayo tabata skirbi e palabra “Hende” (un conector cu ta wordo traduci como “asina cu” of “por lo tanto”) y e profesor a señala cu un circulo y banda di dje el a skirbi: “Esaki no ta bo palabra.”
Martinez a relata e storia atrabes di su blog y su publicacion a bira viral.
“Mi profesor a asumi cu un hende manera ami nunca por uza un lenguahe asina. Mientras e tabata para dilanti di klas y mi profesor tabata retando mi inteligencia, solamente por imagina lesando mi ensayo na su cas y pensando , con hun hende manera e por skirbi algo asina?” Martinez a skirbi.
“Tin studiante di loke ta asumi cu ta capaz sin cu nan tin cu presenta su lista di credencial prome cu e ensayo. “Cuanto titulo mi tin mester pa un hende kere cu mi ta un academico?” el a añadi.
E mensahe di e studiante riba su pagina di Facebook a wordo comparti mas di 13 mil biaha y tin mas di 1300 comentario di sosten.
Martinez a bisa cu como un minoria den un scol caminda ta predomina e studiantenan di color cla y di famia di placa, e semper a sinti su mes como un stranhero (e ta bisa cu e tin dos trabao y e ta sigui studia).
E Universidad di Suffolk a emiti un comunicado condenando e hecho y a bisa cu nan ta investigando:
“Como un institucion cu a wordo funda riba e principionan di mas halto di inclusion y respet, nos ta tuma e e preocupacion aki y cualkier otro di e manera hopi serio.”
“Como un comunidad nos no ta perfecto, nos ta haci fout como un institucion y como individuo,” e comunicado ta añadi.
Martinez a publica varios mensahe desde e tempo ey, gradiciendo e apoyo di personanan, incluyendo carta di otro academiconan Latino y profesornan di otro universidad.
Fuente: CNN en Español