CARACAS, Venezuela – Cu un bala di 8 milimeter di diametro, e hoben Armando Cañizales Carrillo di 18 aña, a wordo asesina, di acuerdo cu e informe di e autopista presenta pa e minister di Husticia y Paz, Nestor Reverol.
E titular di e cartera di Interior ademas a señala cu otro seis municion similar a wordo colecta den e area unda cu efectivonan di Guardia Nacional ta permanece, loke ta haci cu e minister a presumi cu e efectivonan a wordo ataca cu e obhetonan.
Sin embargo na luga di e confrontacion unda e hoben studiante a resulta morto, no a reporta e uzo di arma di candela contra efectivonan militar, loke ta pone den duda e version di e atake y lo a hustifica e localisacion di e metrayador na e luga, ya cu desde eynan lo ta unda cu el a wordo tira.
Den e sentido aki, ta importante pa destaca cu voceronan di e organisacionnan pro derecho humano a adverti den e transcurso di e ultimo siman riba e uzo di e tipo di bala aki di parti di e forsanan di orden publico. Ta trata di municionnan di skopet cu ta agrega den su interior, moneda, pidanan di metal entre otro y ta tiranan contra manifestantenan y ocasionando dañonan mayor y incluso morto, e obhetonan aki ta caba den lesionnan severo, hasta morto cerca esnan cu ta impacta.
Maria Escobar, mama di e hoben, a señala cu e dia di e hechonan a yega su cas, bebe awa, el a pidi’e pa e keda y su contesta tabata “mi tin cu sigui lucha.”
Poco rato despues nan a yam’e na telefon pa inform’e cu su yiu tabata herida.
Fuente: El Universal