Stress por causa alopecia den mucha

0
RBC Juli 2018
Funmiles-2018

Stress, e estado di cansancio mental cu sa provoca trastornonan fisico y mental, no ta exclusivo di adulto. Muchanan tambe ta sufri di dje y ta wordo refleha den cierto aspecto, te na perdida di cabey.

Denise Mago, dermatologo di e Clinica Vista Alegre y di e Centro de Bienestar Activo den entro comercial Vizcaya, ta splica cu alopecia areata a bin ta aumenta den mucha loke ta un consecuencia directo di stress cu e muchanan ta padece.

“Presion escolar y e situacion di e pais ta afecta e muchanan. Nan ta para den rij cu nan mayornan, nan ta scucha nan papia di e problemanan cu tin, tin biaha e mayornan tampoco tin pa mandanan scol cu desayuno of lunch y esey ta haci cu e muchanan ta desaroya stress,” dokter Mago ta splica.

E ta agrega cu alopecia areata ta loke ta wordo produci ora cu tin stress y e ta wordo yama asina pasobra e luga caminda cu ta keda un buraco debi na caida di cabey ta completamente circular.

“Alopecia ta aparece den cualkier luga di e cuero di cabey, aunke e ta mas comun cu e ta sali riba di e cabes. Nan ta di diferente tamaño y e por sali varios te ora cu nan uni den uno so,” e dokter a comenta.

El a señala cu e muchanan, casi semper ta e mama cu ta descubri e alopecia pasobra muchanan sa tin cabey sano. “E mamanan ta haya sa ora cu nan ta peña e cabey di e muchanan of ora cu nan ta laba cabey pasobra esaki sa sali bao di e cabey sano. Ta importante cu una bes detecta, bay na un dermatologo y no hib’e na un pelukeria.”

E specialista ta indica cu un 90% di e mayornan prome cos ta haci ta bay un pelukeria cu e mucha na luga di un dermatologo y ta splica cu esey no ta debi di un mal diagnostifo na e afeccion di e mucha.

“Den e pelukeria nan ta bisa cu ta un fungus y no ta asina. Ora cu un hende tin fungus den e cuero di cabes, esaki ta presenta manera cu e cabey tabata corta pida pida, mientras cu alopecia no ta laga ni un cabey den e luga unda cu el a cay,” Mago a bisa.

Una bes cu e dermatologo realisa varios prueba entre loke ta destaca un fluorescencia cu ta confirma alopecia. Igualmente una bes dado e diagnostico, e tratamento por ta topico, cu formulanan cu ta wordo manda pa prepara.

E dokter a resalta cu a menos cu ta un alopecia hopi grave, loke ta haci cu e ta infiltra den e cuero di cabey cada 15 dia, pa asina logra cu e cabey ta crece di nobo.

El a añadi cu e condicion aki por reincidi, tanto den mucha como den adulto y ta señala cu den e ultimonan aki tambe tabata tin un crecemento den consulta debi na alopecia produci pa stress.

E ta indica cu e unico sintoma cu un persona tin ora di sufri alopecia ta precisamente e caida di cabey localisa y cu den muchanan mester ta pendiente debi cu esakinan sa sali bao di e cabey sano, a menos cu e ta severo y por wordo nota cu simpel bista.

Fuente: http://www.eluniversal.com/

Comments

comments

C: Heineken
new india
dvg