Semper ta un bon momento pa stop di huma.
Mas leu di spera pa nos curpa duna nos e prome aviso, e prome problema of e prome susto, ta conveniente pa nos mentalisa nos mes mas pronto posibel riba e necesidad di bandona e habito aki asina nocivo.
Awo, si ta bon, si ya bo ta tur un veterano den esaki, no ta cabe duda, cu lo ba stop di kere den tecnicanan milagroso, e muchonan cu nan ta bende nos como “e definitivonan pa stop tabaco” y cu, sin embargo, nan no a sirbi riba bo.
Nos mester sa cu den loke ta adiccion, no tin un receta magico, no tin un tecnica cu ta funciona cu tur hende mesun cos.
Cada persona ta un universo di particularidad, di habito, di necesidad y matiz, pa cual e remedi idoneo lo existi of e enfoke multimodal aki cu mas ta ahusta den nos sapato, e forma di nos personalidad.
Cu tur esaki nos kier laga algo bon cla: stop di huma ta rekeri boluntad di compromiso.
Di e manera aki, ta existi un serie di pautanan psicologico cu por ta util pa nos.
Di e siguiente lista bo por scoge loke ta mas na bo ahuste, asumi nan, integra nan den bo dia y laga pa nan ta e clave di e exito, di e ceramento cu ta permitibo habri e porta na un miho calidad di bida.
Strategianan pa e tres fasenan pa cual un humado ta pasa aden
Na ora di stop di huma di manera definitivo, ta importante pa sa cu e persona ta pasa door di tres fase:
Esun di preparacion, den cual nos mester asumi cu firmesa un proposito.
E fase di abandono, un etapa di cual e sindrome di abstinencia ta causa flakesa, ta pone nos duda y ta pusha nos pa recupera e habito. Un etapa specialmente critico.
E ultimo ta e fase di mantenimento, for di eynan ta caminda ta vital asenta e habito a lo largo di tempo y preveni e posibel recaidanan.
Una bes cu nos conoce e etapanan aki, nos sa hopi bon kico por pasa den cada momento y loke nos tin mester.
P’esey, ta hopi interesante pa nos conoce e siguiente puntonan pa afronta cu exito cada momento.
Consehonan pa e fase di preparacion
Huma ta un acto cu tin su origen den factornan social, cu ta mantene pa variabelnan psicologico y vooral, door di un dependencia fisiologico pa nicotina.
Asina ta, den e prome fase di preparacion, laga nos aborda un serie di aspecto clave pa logra un afrontamento integral, un preparacion idoneo y acerta.
Reduci e factornan social y di disponibilidad
1.Nos ta haci un lista riba ki situacion y momentonan di dia nos tin e mayor necesidad pa tin un sigaria den ambosman.
Por ehempel: na momento di lanta, desayuna, den bo break di trabao, ora nos ta cu amigo, ora nos ta nervioso.
2. E idea pa reduci e disponibilidad di e tabaco den e instantenan aki asina crucial.
Por ehempel, bo sa cu nada mas cu ora bo lanta, bo lo sinti un gran necesidad pa tin un sigaria – e ora ey lo bo tin na man un bals of un caramel.
Reduci factornan psicologico
3. Un di e tecnicanan psicologico mas comun ta autopeercibi nos mes ya como “no humado”.
4. Na luga di anuncia na henter mundo cu bo ta lagando e habito, anima bo mes na bisa simplemente “bo a lag’e.”
5. Si nos centra nos mes den e proceso (mi ta lagand’e) por aparece duda, momento di bahada, asina cu ta ideal si nos mira ya con loke nos kier mira: no humado.
Consehonan pa e fase mas critica di “posibel abandono”
Nos ta ya den e fase critico aki. Por ta nos por ta plenamente conciencia cu nos kier stop di huma, pero e dependencia psicologico y fisiologico ta asina halto cu ta aparece momentonan duro.
Tene na cuenta algun conseho.
Controla e factornan social y disponibilidad
6. Tin luga y habitonan cotidiano cu di forma automatico ta lanta den nos e necesidad pa huma: acudi na nos cafeteria di semper, e gym di semper, keda cu amigonan den e luga eynan di tur siman….
7. Ta momento di cambia di scenario, di crea habitonan nobo.
8. Acudi na klasnan di Mindfulness, haci yoga, apunta bo mes na cursonan di baile, di landamento, di pintura…
Ta trata di solamente ofrece estimulonan nobo na e celebro cu cual nos ta desvia e atencion y na su bes, asenta actividad y interesnan saludabel y util pa canalisa e ansiedad.
Controla factornan psicologico
Entrena bo emocionnan, maneha di forma adecuado bo ansiedad mediante tecnicanan di respiracion, mediante e atencion pleno, e relahacion progresivo….
9. Bo mester ta capas di identifica situacionnan di riesgo y di planifica conductanan di afrontamento mediante autoinstruccionnan positivo.
10. Percibi na bo mes como un persona eficas, un hende cu gran forsa di boluntad.
Reduci e dependencia na nicotina
11. Algo cu sa recomenda na e casonan aki, ta di pasa di modo gradual di nos marca habitual di sigaria na marca cu tin un nivel di nicotina mas abao. E proceso aki mester dura dos siman.
Fase di mantenimento
Nos a logra… Of, por lo menos, di e momento.
Ta importante pa sa cu ora un hende tin 5 luna sin huma, ainda e no a yega na e fase eleva aki di bolbe cay den e habito.
E deseo di huma ta sigui presente, y hasta nos por tin algun sintoma asocia na e dependencia, manera ta dolor di cabes, mal beis, ansiedad…
No ta facil, de hecho, tin hende cu ainda ta asina pa casi un aña di huma, ainda tin cu controla e factornan psicologico y di disponibilidad.
No obstante, una bes cu nos pasa ya 6 luna sin huma, nos ta drenta den e etapa caminda cu ta necesario pa mantene habitonan y pa esey nos por sigui e siguiente paso:
12. No perde di bista e “pakiconan,” miho bisa, e rasonnan pa cual bo a stop di huma.
13. Balora e trabao bon haci, balora e esfuerso cu bo a realisa y aprecia con bo ta sinti awo: e bienestar ey ta e motivacion mas basico pa no cay bek.
14. Implica bo mes den e actividadnan aki cu bo a uza pa stop di huma: deporte, meditacion…
15. Por ultimo, tambe nos lo bay bon pa conseha riba nos strategianan na otro hende cu ta pasando den e mesun cos.
Di emanera aki, nos ta logra nos meta y nos lo sinti nos mes mas orguyoso di nos mes.
Fuente: www.mejorconsalud.com