Tin e situacion di Venezuela, cu ta un mercado hopi volatil. Sra. Ronella Croes di ATA ta splica.
ATA pa basta tempo a prepara caba, a cambia strategia, minimalisa presencia na Venezuela. A hasta cambia e oficina di ATA na Venezuela, pa uno mas chikito. Saca hende di Caracas, dus hopi paso a wordo tuma caba. SI mira resultadonan di 2017, por mira enberdad un crecemento di 50% atrobe ariba un aña 2016/2015 cu a confronta problema caba. Un Venezuela cu a cay di 200 mil bishitante na 2016, pa mas o menos 100 mil bishitante na 2017.
No obstante cu e ta impacta e volumen di bishitante cu ta bin, por mira cu strategia cu a activa otro mercadonan, a duna resultadonan hopi positivo. Ta cera aña cu crecemento di 5% y ta mira tambe un otro indicador di entrada pa pais Aruba, cu e ta e Revenue pa Available Room, registra pa AHATA, a cera cu 10% di crecemento. Esey ta riba e chens cu tabata tin proyecta riba e mercado, mirando e cautela cu AHATA, Banco Central, pa cu e situacion na Venezuela. E compensacion pa mitiga e impacto a duna su fruto, segun Sra. Ronella Croes di ATA.