CIENCIA
Formanan di bida di nos planeta tambe por ta existi riba otro planetanan danki na stof interplanetario. Asina a keda revela door di un estudio haci pa un grupo di cientificonan di e Universidad di Edimburgh (Escocia).
Segun e estudio, plantanan, bacterianan y otro micro- organismonan manera beernan di awa (capaz di sobrevivi te cu 30 aña sin cuminda ni awa y ta soporta temperaturanan extremo te cu 150 grado), cu lo por wordo transporta a traves di e stof interplanetario pa henter e universo. Segun e teoria aki, insectonan y incluso, algun mata cu a bin di espacio, lo a yega nos planeta di mes manera.
Investigadonan ta señala cu e poderoso corientenan di stof espacial lo por biaha 70 km/sec. Asina, e trafico bidireccional por ta responsabel di manda bioparticulanan mas leu cu e atmosfera.
Arjun Berera, lider di e estudio y profesor di e Facultad di Fisica y Astronomia di dicho universidad, ta afirma cu e propuesta aki “ta plantia algun perspectiva interesante di con bida a origina y tambe e atmosfera di e matanan.
Na luna di April, e Agencia Espacial Europeo a haya rastronan di stof interestelar den un di e renchinan di e planeta Saturno. E ekipo a examina 36 grano di stof interestelar y el a revela cu nan tabata compone principalmente di calcio, hero, magnesio, silicium y oxigeno.
Fuente: https://actualidad.rt.com