Stingray Swimming Team ta sobre sali den Campeonato Arubano 2017, ganando 8 di e 13 Overall individual Highpoint Trophies.
Stingray Swimming Team hunto cu tur mayor ta sumamente orguyoso pa anuncia cu durante e campeonato di 1, 2, 3 y 4 di juni, e campeonato mas importante na Aruba nos por conta cu e miho atletanan pa cu e deporte di landamento.
Stingray kier felicita tur su atletanan cu a logra varios medaya den e competencia aki. Nos ekipo a bay 107 medaya di oro, 75 medaya di silver y 67 medaya di brons. Varios record Arubano a wordo kibra door di diferente atleta di Stingray.
Durante e Campeonato Arubano 2017 e prome luga den cada categoria ta haya high point trophy. Nos di Stingray ta sumamente orguyoso di tin e miho landadonan di Aruba formando parti di nos equipo. E “High Point Trophies” a bay pa e siguiente atleta nan:
Categoria 7-8 Dianthe Kock
Categoria 9-10 Giancarla Larez
Categoria 9-10 Jaydon Croes
Categoria 13-14 Santiago Gomez Ramos
Categoria 15-17 Keeley Maduro
Categoria 15-17 Patrick Groters
Categoria 18 over Ally Ponson
Categoria 18 over Mikel Schreuders
Alavez nos kier a felicita nos atleta nan cu a logra segundo lugar overall den cada categoria esey nan ta: Cherlize kock, Ian Croes, Gavin Kock, Michaline de Cuba, Carlos Javier Larez, Brandon Cheong y Gaby Ponson.
Na tercer lugar: Eva kock, Noemy Palm, Lynette tromp, Jireh Larmonie, Bryan Cheong, Anahi Schreuders, Jacobs Daniel y Jordy Groters.
Un danki grandi na nos coachnan Ismael y Valerie cu ta traha tur dia cu nos atletanan y tambe coach Ivo cu ta yuda nos durante competencia. Stingray ta sumamente contento cu nos atleta nan cu ta studia den exterior tabata presente pa reenforsa nos team. Nos ta desea nan tur clase di exito cu nan studio. Stingray Swimming Team kier felicita Aruba Dolphins cu nan prome luga den overall y tambe Sports 4U cu nan di tercer luga. Un danki na tur mayor cu ta pone nan confiansa den Stingray Swimming Team. Nos ta orguyoso cu boso ta forma parti di nos equipo.