Recientemente a tuma luga na SETAR un conferencia di prensa caminda MUSICA Stichting a anuncia mas riba e evento di Caiso y Monarch. Pa seis aña caba nan t’ey como MUSICA. Hopi a coopera pa nan t’ey awe. Nan ta trahando cu hopi entusiasmo pa e Caiso and Monarch 2018. SETAR lo ta e sponsor segun Edwin Werleman di MUSICA.
Stichting MUSICA no ta solamente na drempel di fin di aña, pero tambe na drempel di un otro fecha, pa e Aruba su di seis Caiso & Soca Monarch Contest bou direccion di Stichting MUSICA. E fundacion ta gradici e sosten cu nan a haya den e comunidad di musiconan, seno di e partnernan y tur esunnan cu a coopera di un of otro manera, pa e ta unda cu e ta awe pa loek ta e festival.
Cu hopi entusiasmo, St. MUSICA ta trahando ariba e Caiso & Soca Monarch 2018 y nan a introduci SETAR NV como nan sponsor principal di Caiso & Soca Monarch.
Sra. Edwina Werleman di MUSICA a splica cu durante e festival di e aña aki a conoce 102 cancion. Nan a ricibi’e cu hopi entusiasmo. Tabata tin e pre final y a yega na e 102 cancion pa e anochi. Tabata tin dos ganado cu ta e Caiso y Monarch. Pa loke ta Caiso, e Monarch a resulta Kakalaka a spart y e Soca Monarch tabata Mervin “Blacky” Baptiste, cu su “Slip & Slide”.
Ariba e schedule oficial di Carnaval, presenta y publica pa SMAC, pa 2018 e anochinan di pre final lo ta riba dialuna 22 di Januari, 23 y 24 di Januari. E anochi final lo ta 27 di Januari. E lo evento completo lo ta na Carnival Village na San Nicolas.
MUSICA ta contento cu e bon relacion entre Stichting MUSICA y SMAC, mirando cu tur dos organisacion ta traha pa bienestar di Aruba su Carnaval. MUSICA a sera acuerdo caba cu SMAC, pa cual e Children & Youth Calypso and Roadmarch Contest por tuma luga ariba e mesun escenario cu e adultonan den Carnival Village. Esaki sigur ta un lift up pa asina e chikitinanan y e hobennan ya caba por cuminsa participa ariab escenario cu ta wordo prepara pa e grandinan.
E aña aki, St. MUSICA dne nomber di su musiconan, lo duna un contribucion mescos cu nan ta haci otro aña, y esaki lo bay directamente pa e organisacion di Children & Youth Calypso and Roadmarch Contest. MUSICA ta duna contribucion cu ta bay directamente pa Carnaval, pero e biaha aki e peticion tabata pa e wordo destina solamente pa e organisacion di e muchanan di Calypso & Roadmarch Contest. Di e forma aki tambe, MUSICA ta aporta na e desaroyo di nos muchanan y nos hobennan, cu den futuro, muy probablemente, lo sigui participa na Aruba su Caiso & Soca Monarch.
E meta di Stichting Musica desde un principio tabata pa hiba e festival na un Mega Festival. Esaki no tabata posibel sin e sosten di e partnernan. Hopi partner tabata tey desde inicio. Edwina Werleman a splica cu nan ta un famia. Setar ta contribui cu e festival pero tambe cu carnaval den su totalidad. Ta haci uso pa anuncia cu Elite Productions lo percura pa escenario cu sonido y luz pa Caiso 2018…