Sterling Pound ta cay door di resultado di eleccion Britanico

0

SIDNEY, Australia – Sterling Pound a cay diabierna na Asia, despues cu eleccionnan na Reino Uni a caba sin un ganado claro, loke a spanta algun inversionista cu ya a supera algun evento di riesgo na Merca y Europa.
Cu e mayoria di e votacionnan scrutinia, e prome minister Britanico, Theresa May, no tabata tin manera di gana un mayoria absoluto den Parlamento.
E daño tabata limita den otro parti y e referencial MSCI di accionnan Asiatico no Hapones, tabata opera stabil. Na Japon, e indice Nikkei di e bolsa di Tokyo a agrega un 0,5 porciento.
“Esaki ta complica pa e economia di Reino Uni y su negociacionnan di Brexit,” Shane Oliver, economisa hefe di AMP, a bisa. “Pero Reino Uni ta solamente e 2,5 porciento di PIB mundial y ta dificil mira implicacionnan significativo pa e mercadonan global di inversion,” el a agrega.
Pa 5’or y 55, ora di Greenwich, e Sterling Pound a retrocede na 1,2697 dollar, despues di a cay mas tempran na un minimo den dos luna di 1,2689 unidad. Tambe el a baha un 1,8 porciento contra e Euro na 88,18 pennies.
E drama ta mas reduci den e cotisacion di otro divisanan y e Yena kita algun ganashi inicial pa baha na 110,20 unidad pa dollar. E Euro a exhibi variacion escaso na 1,1204 dollar.
Riba e mercadonan di materia prima, oro a resta un 0,3 porciento, na 1.274,45 dollar pa ons. E futuro di petroleo na Merca a perde dos cent na 45,62 dollar pa bari y e crudo Brent di London, ta negosha stabil, riba 47,86 pa bari.
Fuente: http://lta.reuters.com