Dos aña pasa, Stephen Hawking a conta BBC cu e desaroyo di un completo Inteligencia Articuficial, por pronostica e fin di e rasa humano.
Su voz di advertencia no tabata e unico riba e peligernan di IA, Elon Musk, Bill Gates y Steve Wozniak tambe a expresa nan preocupacion riba cual ta e caminda cu tecnologia ta bayendo – aunke cu e vision di profesor Hawking tabata esun di mas apocaliptico, di un mundo caminda cu robotnan ta dicidi y no tin mester di nos mas.
Loke cu tur e profetanan aki di e final cu IA kier haci ta pa laga mundo pensa riba unda ciencia ta bayendo – y percura pa otro voznan uni na esun di e cientificonan den e debate aki.
Cu nan a logra e meta ey tabata evidente diaranson anochi durante un evento na Cambridge, marcando e apertura ci e Centro pa Futuro di Inteligencia, diseña pa tin e pensamento riba e implicacionnan di IA.
Y Profesor Hawking tabata eynan pa yuda lansa e centro. “Mi ta contento cu un hende tabata scuchando,” el a conta e audiencia.
Den un discurso cortico, el a mustra e potencial y e caida di tecnologia den su lenguahe usualmente vivido. El a revisa e progreso reciente rapido den areanan manera autonan cu ta core nan so y e triumfo di Google di DeepMind den e wega Go – a predici avancenan.
“Mi ta kere cu no tin un diferencia profundo entre loke por wordo logra door di un mente biologico y loke por wordo logra door di un computer. Ta pa e motibo ey e ta sigui loke computer por, den teoria, imita e inteligencia humano – y surpase.
“Esey, el a bisa, por hiba na e eradicacion di malesa y pobresa y e conkista di cambio climatico. Pero tambe e por trece tur sorto di cos cu nos no gusta – armanan autonomo, disrupcion economico y mashinnan cu ta desaroya un boluntad di nan mes, den conficto cu humanidad. En corto, e subida di e poderoso IA lo ta sea e miho of e pio cos cu por pasa humanidad. Nos no sa ainda cual.”
Fuente: BBC Technology