Stephanie Maduro a wordo elegi como Reina di Carnaval durante un eleccion dibertido

0

Hopi asociado di resort y un multitud di huespet a para testigo di un eleccion di reina alegre y anima cu a wordo organisa pa e comision social dedica y talentoso di e resort y a tuma luga na Pata Pata pool bar.
Tres hurado, tur di nan huespetnan di e resort, a wordo entreteni pa e representantenan completamente disfrasa di e diferente departamentonan di e resort, competiendo pa e sjerp y corona di Carnaval tan codicia, cu Stephanie Maduro representando e departamento di Housekeeping, y Lixandra, for di e departamento di Front Office, competiendo pa e titulo.
E candidatanan di reina a wordo escolta pa un brass band di e resort su sala di conferencia te e pool deck, bailando den e gangnan y despues den e lobby, rondona pa nan fanaticonan y apoyantenan. Nan a introduci nan mes y nan respectivo departamentonan y a wordo ricibi cu gritonan di nan coleganan dedica, prome cu nan a baila rond di e pool deck demostrando nan spirito di Carnaval.
Na final di un ora dibertido di eleccion, Miembro di e Comision Ehecutivo Daniel Aguirre a haci e acto di e coronacion oficial, representando e Comision Social.
La Cabana Beach Resort & Casino ta organisa eventonan dibertido regular pa su asociadonan, cortesia di un comision social extraordinario, un grupo di boluntario kendenan a pone nan cabes hunto pa entretene nan coleganan, crea un spirito fuerte di ekipo y un sentido continuo di comunidad.
Cu emcee Annuar Kock di e Departamento di Engineering, e atardi a culmina cu NBO, proveendo e tremendo musica Carnavalesco pa e Happy Hour.