BEIJING, China- For di 2016 e agencia espacial di China a confirma cu nan a perde control di nan station espacial Tiangong-1, cu tin un peso di 8.5 ton.
E problema ta, cu e e station espacial aki lo impacta contra nos planeta durante e proximo dianan, pero nan no sa unda esaki lo tuma luga.
Stationnan espacial no ta zweef indefinidamente den nan orbita. E ISS ta den un zona d di micro gravedad, pa cual e ta cayendo lentamente den direccion di e atmosfera terestre. Pa e motibo aki e astronautanan a activa un propulsor cada cierto tempo pa subi’e.
E caida di Tiangong 1 lo tuma luga den algun momento, entre October 2017 y April 2018. Aunke, e ultimo detayenan ta informa di cu e station ta na un 186 miya di altura di nos planeta, cual ta haci posibel cu e cay prome cu e aña aki caba.
Aunke e gran parti di e station lo desintegra ora cu e drenta e atmosfera, cierto fragmentonan di 220 liber lo cay riba tera, aunke no sa ainda, na unda.
Tiangong -1 a drenta orbita na 2011, el a yega na unda e prome muhe astronaut Chines, Liu Yang a yega na 2012 y a realisa misionnan tripula y no tripula, exitosamente.
Fuente: http://amp.lasexta.com