Sindicato STA a reuni cu minister di Transporte, Sr. Chris Romero, vooral ariba e problematica di Arubus, pa wak kico ta e futuro di Arubus.
Por a compronde cu lo bin un reorganisacion completo pa loke ta e compania. Mucho e minister no kier a divulga kico ta bay pasa. Pero si el a splica cu lo bin cambionan, cu lo ta cambionan pa miho. Ta bin flotanan nobo di busnan y esaki lo yega Aruba den corto tempo.
A pidi e minister si por redobla e cantidad di busnan, ya cu na e prijs cu a haye e 9 nan, cu yudanda di Hulanda, pa haya un flota di 18 lo ta ideal. Tambe mester bin un opruiming den cura di Arubus, ya cu ta parce cu tin un santana di bus. Pressnan y bendeann pa hero bieu.
Pa loke ta e parti financiero, locual gobierno ta pusha den e compania, esey lo keda. Pero si ta bay tin strategianan nobo, pa por genera mas placa cu ta posibel pa trece Arubus bek, na un situacion caminda cu e ta bira sostenibel.
Den e ultimo 16 pa 24 aña, practicamente Arubus a keda draai den rood. Esey no ta sano pa un compania, y STA lo kier wak un Arubus cu ta sostene su mes. Arubus ta un NV, e mester por competi cu tur otro NV na Aruba. E mester por competi cu De Palm Tours, Fofoti. Nan mester por competi den e mercado. No ta pasobra cu ta transporta mayoria studiante, y haciendo transporte publico, esey no ta kita afo cu Arubus no por competi ariba e mercado local. Mester cuminsa pensa den e direccion aki tambe. Arubus tin suficiente material cu nan por sobrevivi esey. Arubus mester di un diversificacion total den su manera di genera placa. Y STA ta para tras di e minister, si esaki ta su idea tambe pa bin cu esaki. Sr. de Cuba ta haya cu esaki ta e caminda cu mester bay pa sanea su entrada.
E reorganisacion dne Arubus mester tuma luga den e proximo 6 simannan, ya cu e trahadonan tambe ta fada y nan ta sperando algo di e sindicato. Un cos bon cu sindicato a yega na acuerdo cu minister ta e schalering di e trahadonan. Actualmente tin diferente schaal, di 7 step so. Si bo traha bon, den 7 aña nan ta yega nan maximo. Si bo tin un trayecotria di 30 aña, 35 aña y den 7 aña bo a yega na bo maximo. Y dne e proximo 28 añanan lo bo frustra, pa cual mester bin un schaal caminda cu e stepnan ta mas hopi. Y esey ta loke minister a bay di acuerdo cu esaki.
Aworaki, nan tin un huiswerk pa haci, como tameb e sindicato. Awo lo bay fusiona e schaalnan den otro. No ta bay elimina schaalnan cu cierto funcionnan. Loke si ta bay haci ta aumenta e tredenann den e schaalnna. Esey ta mas miho mirando cu e schalering cu tin aworaki ta hopi anticua y no por keda riba esey.
Sindicato ta kere cu e cambionan lo bin rapido. Lo bin un management team nobo pa Arubus y asina cu esaki sosode, e sindicato lo reuni bek cu minister, segun Sr. Diego de Cuba, di STA.