Diahuebs a tuma un reunion entre sindicato STA cu gerencia di APA pa cual Sr. Diego de Cuba ta elabora ariba e reunion aki.
STA tabata tin varios reunion cu gerencia di APA pa locual ta trata e negocaicion di e contrato colectivo di Aruba Ports Authortiy NV. Despues di varios oferta, STA a bin cun contra oferta pa gerencia di APA. Pero esaki a informa STA cu nan no ta bay di acuerdo, ya cu nan ta hay’e poco caro.
Tres pa cuater aña atras, ora cu STA tabata negocia e CAO atras, ora cu tabata negocia e CAO actual, a bisa cu lo bay duna e gerencia di APA su espacio. Esaki pa motibo di e mudamento di e containerhaven pa Barcadera, un contrato cu a wordo firma pa compania cu ta handle e waf na Barcadera pero cu no tabata mucho na fabor di APA, segun STA.
Pero actualmente ta para na un impasse, cu ta bisa cu ta facil soluciona pa esaki, ya cu APA tin espacio. Mester a verifica si e pensamento di STA hunto cu e trahandonan ta ariba e mesun liña, pa locual cu ta ariba mesa y lo laganan vota ariba esaki.
Si no no logra yega na un consensus cu gerencia y sindicato, lo por tin problema. Pero prome cu esaki lo asisti un biaha mas na mediador di gobierno, pero lo trata na yega na un solucion na mesa mes pa e contrato colectivo. Pero si por bisa cu sindicato y gerencia di APA ta hopi cerca di otro, ya cu e diferencianan no ta mucho grandi.
E reunion tabata pa tur e trahadonan, pa miembro y no miembronan. Ora di negocia no kier keda riba un ‘break-even point’. Semper ta negocia pa bay dilanti.
Por bisa cu e motibo di bay bin den e negocacionnan ta pa motibo di placa. Ta conoci cu APA loke e e ta genera na port charges, e ta subsidiando Arutram, museonan y Fundacion Cosecha. Pero no por cu ta subsidia Arutram 1.4 miyon pa aña y a aparte di esaki tin un Port of Amsterdam cu nan ta pagando 100 mil florin ta haciendo. Tin dos 2.6 miyon anualmente cu ta tirando afo, siendo cu por pone 300 pa 400 mil florin pa yuda finaliza e CAO y pa keda cla. Pakico mester sigui sponsor Arutram, pa nan tin miho contrato colectivo cu e mesun compania. Y STA no ta acepta esaki bou ningun circumstancia. E actual minister ta riba mesun liña cu STA, cu mester cambia e rumbo di esaki. Loke APA genera mester keda pa APA. Otro instancianan cu ta wordo subsidia pa APA, cual STA no tin nada contra, pero metser bin un otro forma pa subsidianan. Pa loke ta Arutram tur hende sa cu esey ta come so e ta come den e presupuesto di Aruba. E no por a demostra cu e lo bay por sostene su mes. Pero APA si ta un compania cu a demostra cu e por sostene su mes.
Sr. de Cuba ta puntra pakico mester corta den entradanan pa complace otro hende. No tin problema cu museo of Cosecha, pero Arutram ta algo cu a bin cun’e, pero cu nunca mester a bin. Aparte di cu centro di ciudad tabata moribundo caba, e tram a bin pa mat’e. A dura masha hopi tempo, pa a traha e railsnan. Pa remata, a bin cu parkeermeter. Esakinan a keda di wordo elimina, pero te ainda nada.
Por ultimo, Sr. Diego de Cuba a splica cu nan a manda un carta pa gerencia di APA pa busca un solucion. Di otro modo, miembronan lo dicidi e siman aki, kico ta bay ta e siguiente pasonan.