Otro siman un delegacion di Aruba lo sali pa e reunion di IPKO na Hulanda y lo bay trata diferente temanan importante. Sra. Mervin Wyatt Ras ta splica.
Lo bay tin diferente puntonan di agenda cu lo mester trata y un di nan ta e geschillenregeling. E punto aki a wordo papia hopi biaha ariba dje, pero cu ainda no por yega na un acuerdo. E geschillenregeling ta importante, ya cu ora tin un disputa, un diferencia di opinion riba puntonan basico entre e paisnan, cu e ora tambe lo por yega na sali afo. Bo tin un entidad un tiki mas independiente, cu por interferi y trece e partidonan na otro. Esaki ta varios biaha ariba schedule.
Otro punto importante ta e enseñansa, y tambe e AOV gat entre e studiantenan. Esaki ta pa e temporada cu nan tabata biba na Hulanda y nan no tin derecho ariba dje. Tambe tin e Hubentud y Hobennan. Cada biaha cu papia over di dje, caminda cu hobennan cu ta biba na Hulanda, por haya tur sosten, pa asina nan por wordo educa eynan. Ta papia tambe di estudionan cu nos hobennan por sigui ayabou.
Tin tambe e aspecto di Salubridad caminda cu a yega na diferente palabracionnan. A tuma luga e Health Care Conference cu Minister Schwengle a organisa dos biaha consecutivo. Esaki a sali for di IPKO tambe, unda cu ta bisa cu ta importante pa pone e cabesnan hunto, pa asina por traha hunto den Reino y esaki ta loke mester continua pa loke ta e palabracionnan aki. Mester yega na un instituto di calidad, unda un pais por sostene otro den e asunto di cuido di calidad di nos pashentnan. Esaki ta algo cu cada biaha ta bin padilanti.
Sra. drs. Mervin Wyatt- Ras tambe a bisa cu e tema di pobresa ta un di e puntonan ariba agenda. Pobresa ta un di e metanan mundial cu tin, unda tur pais na mundo sea pais rico of pais pober, ta wak pa combati pobresa den tur sentido. Pa cu esaki tin e parti di micro economia pa stimula nos hendenan humilde, pa asina nan por ta activo den economia y pa mehora tamba nan oportunidadnan economico.
Energia alternativo ta un otro punto pa wordo trata na e reunion di IPKO. ta trata aki di energia solvable, cu ta un punto cu hopi biaha ta wordo papia di dje. E delegacion lo haci un bishita di trabao na diferente proyectonan p.e. di Solar Energia pa asina tambe Aruba cu ta haciendo hopi ariba e tereno aki, tin un bista ariba esaki. Mundialmente ora cu bisa kico Aruba tin,ya caba tin hopi posibilidad cu gobierno tin ta tratando cun’e y esey nan lo trata tambe den e reunion di IPKO.
Aruba su ley di Ombudsman ta practicamente cla y mester a haci varios cambio den constitucion y p’esey ainda no a trata e ley di Ombudsman. Ta spera cu por yega na otro pa asina na dado momento pronto por pasa e ley aki y tratamento di nos constitucion, segun Sra. drs. Mervin Wyatt- Ras.