Aki ta sigui declaracion di sra. Gladys Saladin, kende a duna un relato di loke a pasa na Scol Reina Beatrix, scol caminda cu su yiu ta bay, cual ta bisa lo siguiente:
“Mi a cana e caminda corecto cu loke a pasa cu mi yiu – Esey a wordo confirma door di DPS (Directie Publieke Scholen).
Niun dia mi kier a haci’e publico, pero awor mi no tin otro opcion.
Scol a cuminsa diahuebs dia 18 di Augustus.
Mi yiu a bisa mi cu e a haya un juffrouw nobo na e scol ey. Dus prome aña cu e juffrouw ey ta na e scol di mi yiu.
Diamars dia 23 di Augustus nan ta yama mi di scol di mi yiu, cu su wowo ta malo. Ma bay busk’e, e ora ey ma conoce su juffrouw nobo. Nos a presenta na otro.
Ami cu e juffrouw so a papia un rato, den esey mi yiu a sali di klas. E juffrouw a bisa mi yiu mi dilanti e conta mi kico juffrouw a papia cun’e.
E ora ey mi yiu a contesta mi algo di gay.
Ma bira wak juffrouw, anto e di si mi a puntra bo yiu si e ta gay. Ami ainda no a bin bij kico ta pasando, mi a contesta e juffrouw cu ami na cas sa papia cune di e tema ey, e ora e juffrouw a asumi cu mi a admiti di bisa si e ta, pasobra el a bisa mi: yiu wel bo mag di ta pero na bo cas no aki na scol. Dus manera di bisa cu juffrouw como docente y ami como mayor ta para riba un linea. E ora ami a bay na e hoofd di scol, sra. Berlonsky pa mi mustre di mi yiu su wowo, cu pa mi e wowo ta masha bon e no ta malo
Ma bay hiba mi yiu cas, ora mi a bahe na cas mi a bin bij!!!
Mi di ta kico a caba di pasa, nan a papia co’i sokete di mi yiu cu mi y mi no a haci nada!!!!!
Ma bay bek scol pa 9’or e mainta ey mes. Ma bay na e hoofd, ma yora cune bise mi ta sinti hopi hopi malo paso mi no a defende mi yiu.
E hoofd a puntra mi si mi kier p’e papia cune of ami bin bek 1’or pa nos sinta papia. Ma dicidi di bin back 1’or cu mi casa.
Mientras mi a puntra mi yiu ta ki dia juffrouw a bise esey, mi yiu a bisa mi diabierna 19 di Augustus di 2 dia di scol!!!!!
Mi yiu a keda cas door di e wowo, mi casa y ami a bay 1’or scol. E juffrouw no a spera cu mi tey. E no a gusta cu ma bin na e hoofd prome. In ieder geval den nos conversacion e juffrouw a bisa: “O, mi’n por haci fout anto!”
Ma splike e fout ey no pasobra e ta bully. El a bisa pero yamando bo yiu pa gay a yuda si, pasobra el a sinta keto keto!!! Dilanti e hoofd!!!
Nos a keda cu mi yiu ta bin bek scol ora cu e wowo cura. Manera mi yiu bin bek e ta pidi mi yiu sorry dilanti tur mucha, pasobra ta dilanti nan el a puntre si e ta gay.
Mi a bay cu un sabor amargo di e reunion e jufr no tabata meen cu e ta sorry
Ma bay entrega keho na DSP e dia despues. Nan a scirbi tur cos laga mi firma.
Mi yiu a sinti malo na cas e weekend ey y haya kentura. Nos a bay bek DPS dia 29 di Augustus papia cu sr. Kock, e hefe di DPS mes.
Mi a dicidi di papia cu mi yiu pe wak si e ta bay scol bek. El a dicidi cu si e ta bay, dus dia 30 el a bay scol bek.
Hoofd a yama mi bisa mi cu juffrouw a pidi mi yiu sorry. Su siguiente dia, dia 31 di Augustus juffrouw no a bin scol mas. Mi yiu a haya un invaller.
Na September inspectie van onderwijs a manda yama mi, caminda cu nan a scucha di mi banda tur loke a pasa. Mi mes e ora a cuminsa busca drechi ken e juffrouw ta, e ta conoci pa bully mucha!!
6 siman di investigacion a pasa. Dia 11 di October hoofd ta yamami 5:52 di atardi!!! Cu Minister a dicidi cu juffrouw ta bin bek. Mi yiu ta cambia di klas!! M’a bisa e hoofd no, cu mi yiu no a haci nada malo, cu ta e juffrouw mester bay otro klas of otro scol. Hoofd ta bisa mi, tur hende por haci fout.
Diaranson dia 12 di October, scol a cuminsa bek, e juffrouw no tabata t’ey y ami feliz.
Diabierna dia 14 di October, mi yiu a tarda pa sali. Ora el a bin, ma puntre si tur cos ta ok, cual e di cu si.
Den esey atardi ma puntre atrobe. E ora el a bisa mi na yoramento cu un tata di un mucha den su klas a bise y pone subi ariba na scol, cerca e hoofd!!! Mi di kico!!!
Mi yiu tabata su so cu 4 adulto!!!! Despues di scol diabierna dia 14 di October.
E tata tabata grita so, puntra mi yiu ta kico mi yiu a haci su yiu!!!
Despues nan a bisa mi yiu pe sali di kantoor. Ora mi yiu ta conta mi esaki ma yora hunto cune.
4:25 di atardi DPS ta yamami bisa mi kico a pasa, cu cualkier mayor lo a actua asina!!!!
Cu door cu mi yiu no a haci nada malo nan a lag’e bai, tambe keda sin yama mi e ora ey!!!
Cu ta door cu mi mes a papia cu mi yiu splik’e tocante di gay tur e cos aki ta pasa.
Diasabra mi a papia cu un mucha cu ta den klas di mi yiu. E mucha cu miedo a conta kico tur loque e juffrouw ta papia.
Di un mayor mi a bin tende cu juffrouw ta yamando e mayornan pa instiga nan pa nan duna keho na DPS contra mi yiu pa mishimento, cu mi yiu ta mishiendo cu yen di mucha di klas.
Tambe tin un group chat di mayornan. cu dia 17 di October entre 11or y 12or, 2 mayor tin cita na DPS!!!!!! E juffrouw ta bezig pa difama mi yiu!!! Anto algun mayor a kere!!!
Mañan ami cu mi casa ta bay scol!! Dps sigur cu no!!
Dps y hoofd ta sconde tapa pa juffrouw. Tin mas mucha den klas cu e juffrouw a intimida y nan tin miedo di papia.
Juffrouw a bisa nan loke e papia den klas ta keda den klas. cu e muchanan no mag bisa na cas kico ta wordo papia.
El a bisa e muchanan, cu e ta bay lastra mi pafor riba caminda mustrando riba e caminda dilanti scol, cu mi ta diabolico, paso mi tin tattoo.”