Si tin boluntad y vision por combati criminalidad pa cual aki Sr. Andin Bikker di e Forsa Nobo a splica mas di e cifranan cu Hulanda a bin ta haci pa garantisa e siguridad di e pueblo.
El a duna ehempel con na Hulanda, e ciudad Rotterdam so e criminalidad a baha cu 50%. Hulanda den su totalidad criminalidad a baha substancialmente, y esaki tabata door di haci uzo di tecnologia. Gemeente Rotterdam a cumpra sistema di alarma y instala esakinan na diferente luga. Nan a setup cameranan, pa esunnan cu p.e. ta deliver pizza dunanan body cam. Tambe empresanan cu ta haci uzo di sistema di siguridad ta haya incentivo fiscal.
Segun Sr. Bikker, na Aruba tambe por bin cu incentivonan fiscal pa empresanan y esunnan cu tin recurso pa nan por haci uzo di tecnologia pa instala alarma etc., cu ta tecnologia cu ta birando mas y mas barata. E di dos opcion ta esunnan di menos recurso, cu hopi biaha no tin e recursonan pa paga un sistema di alarma of un monitereo tur luna, awor via internet pro subsidianan cu nan ta haya un sistema di alarma, cu nan mes por monitor e situacion di nan cas. Esakinan ta cosnan relativamente facil cu por implementa na pais Aruba, si tin boluntad y vision. Sr. Bikker ta lamenta cu te dia awe, cu atrobe mescos na 2013 un di e cosnan cu mas ta molestia e pueblo ta e insiguridad cu ta bibando riba nos pais.
Na final di dia, no tin siguridad bo no ta bibando feliz. Bo lo keda biba cera den cas y hopi hende ta sintinan desprotehi. E gobierno aki despues di 8 aña, y despues cu nan a campaña na 2009 cu nan lo trece siguridad pa e pueblo, ni Sr. Dowers ni Sr. Eman no a trece esaki pa nos pais.
En todo caso, segun Sr. Bikker, e plataforma politico FORSA NOBO ta dunando ehempel, con relativamente facil sin inventa e wielnan di nobo, con na Madre Patria tin solucionnan palpable y concreto, pa baha criminalidad haciendo uzo di tecnologia y na Hulanda den su totalidad rond di Hulanda nan a logra substancialmente baha e cifranan di criminalidad.