Ya e rotonde nobo na Sero Tijsjii ta den su operacion completo pa cual aki Sr. Michael Vrolijk, Projectmanager di Green Corridor ta splica mas di e desaroyonan tras di esaki.
Dialuna atardi e rotonde a keda completamente habri, y a desvia e trafico di Playa riba e parti rotonde nobo di Mahuma. E trafico a bay basta bon, pero dialuna tabata dia liber pa gobierno y muchanan di scol. Pero pa diamars tur cos ta cana mas miho y e pueblo custuma cu e caminda.
E rotonde di Sero Tijsi, ta uzando e parti noord, unda e trafico for di Playa ta uza e caminda nobo direccion Sero Tijsji, y tambe a habri e rotonde di Mahuma, unda e trafico di San Nicolas por bay direccion Santa Marta, Yucuri y tur e trafico for di Yucuri awo por bay solamente bira bay Playa.
E concepto di rotonde di Mahuma, ta mescos cu e di Seroe Tijsji , cu ta solamente mita pa asina por cuminsa construi e siguiente parti. E siman aki, e otro parti lo mester wordo cera y otro siman dialuna e contratista lo cuminsa construi e rotonde, segun Sr. Michael Vrolijk a splica.