Aña 2016 tabata un aña positivo. Na comienso di 2016 tabata tin pronositca a yega 700 mil turista crusero, pero Pullman Tour a cancela algun di nan biahenan pa Aruba. Pero asina mes pa 2016, 656 mil pasahero crucero a bishita Aruba.
APA mes ta proyecta riba 600 mil y ta sigui traha conhuntamente cu Ministerio di Turismo y ATA, cu consecuencia cu reservacion pa 2017 ya caba a yega 750 mil pasahero crucero. Esey ta un aumento di 100 mil pasahero y esey ta un record. Na 2013 tambe a haya hopi turista, pero no a yega 700 mil.
Ta traha proyeccionnan, pero toch ta keda cauteloso pa cualkier cos cu por pasa. Sr. Figaroa, director di APA, a bisa cu no mester cay den un comfort zone. Mester keda traha duro ariba dje y esaki nifica pa zorg pa ora e turista yega, tur cos ta bon ariba e waf y cu Aruba ta cumpli cu nan deseo y wak kico ta e experiencia cu nan tin ariba e waf.
Pesey tin varios survey, cual ta duna un bista di loke mester wordo drecha y pa traha ariba dje. Despues cu e turista sali for di e porta di waf, APA mester percura pa e turista no wordo molestia. Si mester bisa cu tin hopi bon cooperacion entre Cuerpo Policial y DOPV ultimo temponan aki.
Otro punto tambe pa ora e turista wordo trata bon, manera Aruba ta conoci pa su hendenan amabel. Pero mester tin suficiente variedad cu Aruba por ofrece su bishitantenan, mester ta mas inovativo. Aruba tin hopi repeat visitors, y Aruba mester tin algo otro pa ofrecenan, cu no ta solamente lama, bishita cuebanan of bishita Palm Island.
Tocante e aumento di 3 dollar pa 8 dollar cual lo por pone cu menos barco turista lo bishita Aruba. Si ta asina cu tabata un trayecto grandi, caminda ex Minister Oduber a hunga un rol grandi den esaki. Pero parti di e placa aki ta wordo uza pa subsidia museonan, Arutram y tambe parti di Arte cu tin.
Ta haci esaki pa motibo cu ta hopi importante pa e turista crucero, caminda nan ta bishita e parti autentico y artistico. No por keda sin duna un man na e parti ey. E parti di aumento no a stop e turistanan crucero di bin Aruba.