E aña aki un biaha mas, ATIA lo tene su Anual Corporate Event, caminda nan lo tin como orado invita, Sr. Hans Biesheuvel, for di Hulanda. Sra. Michelle de Groot ta splica mas di esaki.
E Corporate Event a bira un evento hopi conoci na Aruba, y esaki ta e di ocho aña cu e ta wordo organisa. E evento tin un acogida grandi entre e comerciantenan na Aruba. E aña aki e evento aki lo tuma luga dia 10 di November, na Marriott Resort & Stellaris Casino. Pa 7 or lo cuminsa ricibi e prome invitadonan y pa 8 or e programa principal lo cuminsa.
Tur aña ATIA tin un orado invita, y e aña aki e orado lo ta Sr. Hans Biesheuvel, kende ta co- fundado di Ondernemend Nederland. Esaki ta un organisacion cu ta boga pa comerciantenan, manera ATIA ta haci na Aruba. Sr. Biesheuvel lo papia over di e importancia di estimates ta pa e economia di un pais.
Na e momentonan aki, esey ta di sumo importancia aki na Aruba, pasobra cu e sector so por crea un crecemento economico aki na Aruba. Pa es motibo aki a dicidi di invita Sr. Hans Biesheuvel. Mas aleu, Sra. de Groot a bisa cu e carchinan ta obtenibel na oficina di ATIA, na Pedro Gallegostraat, na Dakota. Tambe por yama na 582- 7593, of manda un email na [email protected]. Carchinan tin un balor di 100 dollar pa persona.
E programa oficial pa e anochi ta unda Sr. Biesheuvel lo papia over di economia pa despues lo move pa un networking event, unda cu lo tin algo di come y bebe, cu musica di Robert Jeand’or y su Solo Banda Show.
Ariba facebook page di Aruba Trade and Industry Association lo por haya mas informacion of por bay ariba e website di ATIA, atiaaruba.org