Diaranson mainta a tuma luga e reunion yama pa e comision di husticia na parlamento caminda a papia cu Sr. Guilfred Besaril con a bay cu e reunion aki y kico ta e informacion cu a saca afo.
A lansa pregunta na Ministerio Publico pa loke ta e asina yama “zedendelicten”, en bista cu Parlamento a purba di duna respuesta na gritonan di comunidad, pa loke ta zedenmisdrijven, ultimo tempo e castigonan cu ta wordo cometi door di e actonan aki ta hopi abao y logicamente pueblo ta reacciona cu nan no ta contento cu e sistema na e momentonan aki.
Aruba tin Trias Politica, unda cu Minister y Ministerio Publico, cu politiconan no por mete directamente, y unico manera tabata di lanta e strafnan of lanta den direccion di un straf minimo. P’esey a puntra tambe e representante di Ministerio Publico, Advocaat General, kico ta nan pensamento di un straf minimo, caminda e hues tin e oportunidad ainda, depende e circunstancia, di bisa di no lo duna un straf cu ta menos cu a wordo stipula den ley pa straf minimo.
Pero e hues lo mester bay splica den su sentencia, dicon e no a duna e straf minimo y e ora comunidad cuminsa acepta e strafnan cu ta wordo duna na esunnan cu ta comete e delito nan aki. Fraccion di MEP den Parlamento tabata kier a sa di e maneho un poco mas di nan pensamento, paso MEP a cuminsa anuncia caba cu e ta un parti integral di nos pensamento. E ta un parti integral di e programa di campaña.
Sr. Besaril ta sigui splica cu MEP cu nan formula ley for di Parlamento, pero ta Ministerio Publico ta esun cu ta traha cun’e. Loke si a pone hopi cla na Ministerio Publico y Ministro di Husticia, cu tin un grito eyfo como pueblo, y e politiconan ta esunnan cu ta ricibi e gritonan di comunidad encuanto castigonan duna.
Nan a cuminsa duna di nan parti, pero esunnan cu den practica, Ministerio Publico y huesnan, e sentimento aki no ta wordo respeta di un of otro manera. Tur e trabao cu Parlamento por haci ta envano, na final di dia un hende lo mester carga e culpa. Asina Sr. Guilfred Besaril a splica.