Campeonato HEINEKEN fast pitch di Aruba Softball Bond a continua biento en popa riba veld di Flatstone. Den categoria AA e ekipo di Spuiters MIPA a enfrenta Mariners den nan double header. Den e prome partido e veteran Antonio Warner a sa di domina e fuerte ekipo di Spuiters pa asina gana e prome partido permitiendo 4 base por bola y 1 hit by pitch. Gilward Wester un otro hoben trahando como pitcher a wordo releva den di 4 inning pa Henk Arnold a resulta pitcher perdedor. Mariners 8 careda, 6 hit, 0 eror. Spuiters MIPA 5 careda, 9 hit, 0 eror. Miho bateadornan pa Mariners ta Darl Quandus 3-2, Hubert Lampe 2-2 y Arnardo Perez di 2-1. Pa Spuiters a luci na plato den causa perdi Angelo Arnold y Yhoan Ruiz di 3-2, Junior Cham di 1-1. Den e di dos wega cu a continua inmediatamente despues cu e prome wega a termina Spuiters MIPA ta reacciona duro y ta derota Mariners 11-2. Spuiters MIPA 11 careda, 10 hit, 3 eror. Mariners 2 careda, 4 hit, 1 eror. Miho bateadornan pa Spuiters ta Dyon Peterson 4-2, Gileard Wester y Walfrido Wester di 3-2,Gracindo wester, Angelo Arnold y Ludwin Dabian tur a bay di 2-1. Dyon Peterson cu un homerun cori den tereno. Pa Mariners a destaca na plato Darl Quandus 3-2 y Randolf Simon di 2-2. Campeonato fast pitch ta continua dialuna awor 8pm na Flatstone cu un solo wega den A-Klas esta Piratas vs Blackhawks. Diaranson 31 Augustus pa 715pm na Kudawecha den categoria AA Pizza Hut Monsters lo enfrenta Mariners den nan double header. Campeonato fast pitch a la carga.