Sparta Rotterdam na Aruba pa tremendo camp di futbol hunto cu ASA

0
RBC Juli 2018
Funmiles-2018

Sparta Rotterdam, conhuntamente cu ASA ta anfitrion di un camp di futbol pa hoben cu lo tuma lugar durante e prome siman di April, durante vakantie di Pasco Grandi.

Sparta Rotterdam ta un club di futbol profesional Hulandes cu tin su base na e ciudad di Rotterdam. Sparta a wordo funda prome di April di 1888, cual ta nifica e club aki tin 130 aña di existencia, cual ta hasi nan e club di futbol professional mas bieuw na Hulanda. Pa cu e seizoen 2017-18, e club aki ta activo den Eredivisie, e nivel mas halto di futbol professional na Hulanda.

Algo cu ta hopi grandi y exitante ta cu Sparta lo ta mandando un delegashon di e Sparta Jeugdopleiding pa e camp hunto cu ASA.
E Sparta Jeugdopleiding ta un school di futbol di 4 strea cu a yega di gana premio como mihor school di futbol di Hulanda ariba varios ocashon. Varios nomber grandi den futbol internacional a yega di gradua di e school di Sparta su jeugdopleiding manera Danny Blind, Danny Koevermans, David Mendes da Silva, Ed de Goey, Winston Bogarde, Memphis Depay, Kevin Strootman, John de Wolf y Jetro Willems di nos Hermana isla Korsow ta djies algun di e nombernan cu por menciona. Hoofdcoach di ASA, coach David Appie Abdul, tambe a yega di hunga profesionalmente pa Sparta prome cu el a bin biba Aruba back.

E camp no lo ta posibel sin apoyo di sponsornan cu ta aporta na nos hubentud manera Divi & Tamarijn All-Inclusive, Arubianos, Wendy’s Aruba, Cooper Tires, Quinta del Carmen, doc Opleidingen y White Modern Cuisine.

E Sparta – ASA Soccer Camp lo tuma lugar 2 – 6 April y ta costa Awg 250 pa cada mucha cual ta inclui participashon, fruta y cos di bebe, uniform complete di marca Robey cu logo di Sparta y ASA y un album digital como recuerdo di e camp. E prome 50 mucha pa inscribi y completa pago ta risibi un bunita flip flop regalo di Arubiano. Pa mas informashon por tuma contact cu 592-5235, email [email protected] of check Facebook di ASA.

Comments

comments

C: Heineken
new india
dvg