South Beach Lounge a pasa su ora di ceramento

0

Durante patruya, polis a mira cu tabata tin varios persona bao di e veranda cubri di “South Beach Lounge”. Alabes por a scucha musica for di e prome piso di e Lounge. Polis a conclui cu dicho localidad ainda tabata habri pa publico mientras cu ta conoci cu e luga mester ta cera pa 1’or di mainta. Na e sitio por a mira mas of menos 200 persona cual algun tabata bailando, algun tabata na bar y algun na mesa ta bebe bebidanan alcoholico. Polis a papia cu e persona cu na e momento ey tabata en persona encarga B., kende a wordo splica claramente di e oranan di ceramento. Central a wordo poni na altura.