WILLEMSTAD – Ex minister di Husticia di Gabinete Schotte y actual miembro di Parlamento pa Pueblo Soberano, Elmer “Kade” Wilsoe, ta wordo sospecha di ta envolvi den e morto di Helmin Wiels. Wilsoe tabata colega di partido di e popular politico di Corsou, kende riba dia 5 di Mei, 2013, a wordo tira mata riba beach di Marie Pampoen na Willemstad.
E sospechoso riba Wilsoe a sali dilanti fin di siman pasa, ora cu desconocidonan a pone un parti di e procesverbaal di RST riba un video di Youtube online. Guillano Schoop, vocero di Ministerio Publico a confirma e paginanan publica, procedente for di su dossier.
Esakinana, segun e, a wordo manda pa e defensa di un otro sospechoso na Juni. Burney “Nini” Fonseca, e homber kende entre otro a entrega e armanan pa e asesinato. E tratamento di e caso aki lo ta diaranson na Willemstad.
Contacto telefonico
Medionan local a indica mas tempran cu Wilsoe ta un sospechoso, pero Ministerio Publico no kier a confirma esaki.
Wilsoe lo tabata riba e mainta di e morto na Koraal Specht y lo a tene contacto telefonico cu Luigi “Pretu” Florentina, e homber cu kende hunto cu Elvis “Monster” Kuwas, a comete e asesinato. Florentina despues di su aresto, a wordo haya morto den su cel. Kuwas mientras tanto a wordo condena den hoger beroep y a haya bida largo.
For di e procesverbaal por wordo traha cu Wilsoe tabata tin un cita cu Wiels riba e beach y cu e lugar a wordo bisa na Florentina. Un motibo no a wordo indica den e procesverbaal.
Loopjongen
Medionan local a bisa cu Wilsoe tabata un loopjongen di e rey di loteria Robbie dos Santos y su mita ruman, e ex minister di MFK, George Jamaloodin. Ambos tambe ta sospechoso den e caso Wiels como opdrachtgever y financiadonan di e morto.
Wilsoe a laga su mes wordo uza como loopjongen pa ambos cabayero, ora cu na 2012, el a purba via un carta na Hillary Clinton, a purba di haya 50 miyon di dollar for di Husticia na Mrca. Un accion cu a haci cu Den Haag a hala su horea pisa.
Wilsoe mes a reacciona mientras tanto den corantnan local. Eyden el a mustra cu e acusacionnan a lag’e friu. Si el a bisa cu voorlopig e no lo bin den Parlamento, sin cu e entrega su asiento.
Fuente: NOS. nl