STOCKHOLM, Suecia – Varios gang di hobennan enmascara a cende rond di 80 vehiculo den varios ciudad di manera casi sincronsia. Ademas, e gruponan hubenil a ataca polis tambe cu piedra.
Nan a kima den e ciudadnan Lysekil, Alafors, Falkenberg, Malmö y otra urbanisacionnan den e pais Scandinavo. Por ehempel, na Stockholm y Uppsala a cende tres auto na candela. Ademas di e autonan, delincuentana a cende brommernan como tambe tireann di auto na candela.
Segun informenan, medionan local, candela a cuminsa rond di nueb’or en punto di anochi di dia 13 di augustus, casi di manera sincronisa. “Nos a registra varios candela riba e mesun atardi, den un lapso di tempo hopi cortico y na varios luganan diferente”.
Autoridadnan fronteriso Turco diamars a detene, riba peticion di polis di Suecia, un hoben sospechoso di a participa den un incendio masivo di autonan den varios ciudad Sueco, segun e corant G.T. a informa. E individuo, naci na 1999, lo regresa e pais Scandinavo den curso di e siman aki.
Den cuadro di e mesun caso aki, autoridadnan Sueco a deteni varios sospechoso.