Willemstad Curacao: Djadumingu 21 yanüari 2018, alrededor di 01.11 or sentral di polis a haña notifikashon ku un tiramentu a tuma lugá den un establesimentu mobil na altura di Palu Blanku.
E víktima Lennard Gwensley Frederick nasé na Kòrsou 29 maart 1992 a bin fayesé na e sitio ei mes.
En konekshon ku e kaso aki, awe djaluna 22 yanüari 2018 den oranan di atardi polis a tene dos(2) entrada hudisial na respektivamente Gosieweg i na Wishi. Alrededor di 18.25 or polis a detené e hòmber sospechoso G.G.G.J. nasé na Kòrsou, 22 aña di edat na e kas na Gosieweg komo sospechoso di asesinato di e víktima ariba menshoná.
E investigashon den e kaso aki ta kontinuá.