TEGUCIGALPA, Honduras- E Hondureñonan ainda ta wardando pa e resultado di eleccionnan presidencial, cualnan a tuma luga dia 26 di November ultimo.
E prome resultado ta duna Salvador Nasralla, candidato di e Aliansa di Oposicion contra di Dictadura, cual ta forma pa e Partido Anticorrupción (PAC, di cual e ta e fundado), e Partido Innovacion y Unidad y e Partido Libertad y Refundacion (Libre). E ultimo aki ta funda door di ex presidente Manuel Zelaya, cu a sufri un golpi di estado na 2009.
Sin embargo, a pasa tres dia desde e eleccionnan y Tribunal Supremo Electoral ainda no a duna e resultadonan definitivo. Riba su pagina web tin cambionan a cada rato y e ultimo datonan a faborece e candidato oficialista, e actual mandatario Juan Orlando Hernández.
Te awo tin 77,77% di e votonan conta. Di esaki, Nasralla ta haya 42.64% mientras cu Hernandez ta na menos di un punto di diferencia cu 41,75 %.
E partidonan cu ta conforma e Aliansa di Oposicion contra di Dictadura a denuncia cu tin un fraude tumando luga y a convoca mobilisacionnan den e pais, principalemente na Tegucigalpa, cu ta e capital.
Fuente: https://actualidad.rt.com