WASHINGTON D.C., Merca – E candidato Republicano pa Cas Blanco, Donald Trump, a delanta su rival democrata Hillary Clinton, pa un punto, den un encuesta nobo publica diamars na Merca, faltando un siman pa eleccion dia 8 di November.
Segun e sondeo, divulga pa e corant The Washington Post y e cadena ABC News, Trump a logra un apoyo di 46 porciento, dilanti di e 45 porciento di Clinton.
E encuesta, elabora dia 27 pa dia 30 di October entre 1128 votante, probablemente via telefon, ta indica tambe cu e aspirando libertario, Gary Johnson, ta obtene un 3 porciento, mientras cu e nominado berde Jill Stein ta acapara un 2 porciento.
Esaki ta e prome biaha, desde Mei ultimo, cu e magnate di real estate ta supera e ex secretaria di Estado den e estudio aki cu periodicamente ambos medio ta difundi.
Den un encuesta similar haci durante fin di siman ultimo, Clinton tabata lidera e contienda, cu un 46 porciento di respaldo, dilanti un 45 porciento di Trump.
Algo mas di un siman pasa, e ex prome dama tabata tin e bentaha riba e multimiyonario di New York, den 12 punto (50 porciento dilanti 38 porciento).
Un dato relevante ta cu un 53 porciento di e consultadonan ta bisa di t sinti un “fuerte entusiasmo” pa trump, en tanto cu un 45 porciento ta expresa mesun cos pa Clinton.
E estudio ta refleha asina mes cu 21 porciernto ya a vota dilanta, 24 porciento tin planea pa eherce nan derecho na e sufragio tambe di anticipa of via email y e resto lo acudi na urna dia 8 di November.
RealClear Politics
Segun e webpage RealClear Politics, cu ta confecciona un medio di tur e sondeonan cu ta wordo publica den e pais, Clinton tin e bentaha riba Trump cu 2.2 punto riba e dia di awe.
Riba su cuenta activo riba e red social Twitter, e magnate a celebra diamars e encuesta di “The Washington Post y ABC News:
“Wow, awo liderando den e encuesta di ABC y Washington Post 46 contra 45. Subiendo 12 punto den dos siman, mayor parti prome cu Dishonest Hillary rementa for di otro,” e empresari a skirbi, den un alusion na un capitulo nobo di escandalo di emailnan di e ex secretaria di Estado.
Fuente: NTN24