Solucion ta na caminda pa e problematica di sushi na Parkietenbos

2

Pa mey mey di Maart, pa di dos siman di Maart, e comision di dump lo mester entrega su prome relatonan, segun minister Otmar Oduber.
Si tur cos bay bon lo metser tin un recomendacion a corto plazo di kico lo sosode cu Parkietenbos y su speransa ta, cu na e momentonan ey, ta e final na e stortmento di e forma brutal cu ta tuma luga na Parkietenbos. Tin hopi cosnan cu mester tene na consideracion, cu tin absest cu ta wordo deposita/warda eynan. Tin cosnan medico, bestianan morto cu ta bay na e sitio aki cual lo mester atende cun’e. Pa mey mey di Maart pa final di Maart lo mester wak con ta cana pa cu Parkietenbos. E solucion pa Parkietenbos ta na caminda, cu lo mester sali afo di e proceso aki.
Den tur e añanan a papia di inversionista, nunca a traha un rapport cual ta wordo traha awo. Casi 20 aña pasa, Sr. Jossy Lacle, como director di WEB a traha un rapport. E proceso ta canando awo, ta bisando y ta habriendo un destaho publico na nivel internacional hunto cu TNO y PWC cu ta hiba e control pa gobierno, aki 2 siman pa yega na un solucion mas pronto posibel pa e problema di Dump. Expertona local y internacional lo bin cu nan ideanan di con nan ta mira con pa soluciona esaki, segun Sr. Otmar Oduber.

Comments

comments