Soldaat Norcoreano herida ta deserta pa Zuid- Korea

0

SOEUL, Zuid- Korea- Un soldaat di Noord- Korea a logra deserta pa Zuid- Korea, despues di a wordo herida door di tironan di ehercito Norcoreano. Esaki a sosode na mientras cu e soldaat Norcoreano tabata crusando e zona desmilitarisa (DMZ), según agencianan Surcoreano a informa.
E militar a wordo transporta pa hospital den helicopter di e comando di Nacionnan Uni pa trat’e pa heridanan na schouder y elleboog, según un vocero di Ministerio di Defensa Surcoreano.
E tiroteo a sosode rond di 3 or y 30 di atardi, hora local Surcoreano y militarnan Surcoreano a haya e homber herida na schouder casi mei hora despues.
E incidente a tuma luga den e Zona di Siguridad Conhunto di Panmumjon, e unico luga di e DMZ, caminda cu teoricamente soldatnan di e dos Coreanan ta topa otro cara a cara.
Ta poco comun cu desercion tuma luga den e Zona di Siguridad Conhunto y expertonan ta considera cu Corea del norte ta eligi cuidadosamente e soldatnan cu e ta desplega den e zona aki, evita casonan manera esaki.
E episodio mas sangriente den historia di JSA, establece despues cu e Guera di Corea a termina na 1953, a tuma luga na 1984, ora cu e studiante Sovietico Vasily Matuzok a deserta pa Corea del Sur, probechando un bishita turistico realisa na Panmunjom, durante un estadia na Corea del Norte. E sovietico a ranca un careda te crusa e otro bandai di e liña di demarcacion militar cu ta dividi e JSA, cual a ocasiona un intercambio di tironan, cual a laga tres soldat Norcoreano y un Surcoreano morto, ademas di seis herida, entre nan un militar Mericano.
E episodio di awe a sosode e precisamente e mesun dia cu un turista Mericano di 58 aña a wordo deteni na Zuid- Korea mientras cu e tabata purbando di pasa e frontera pa Noord- Korea.
Fuente: www.elmundo.es

LEAVE A REPLY

Please enter your comment!
Please enter your name here