PARIS, Francia – Un solda a tira un homber cu a purba di atak’e cu un cuchiu den cercania di e Museo Louvre na Paris, e afiliado di CNN, BFM a reporta.
E homber ta herida di gravedad y a wordo poni bao di custodia. E tabata tin dos mochila. Den nan no tabata tin explosivo. E solda a resulta levemente herida.
E atacante a grita “Allahu Akbar” prome di precipita riba e grupo di solda den e centro comercial subteraneo cerca di e museo, segun Michel Cadot, prefecto di Paris. E solda a tira cinco biaha.
Bernard Cazeneuve, prome minister di Francia, a bisa cu tabata trata aki di un “atake terorista.”
Un di dos persona a wordo aresta en conexion cu e atake, e Minister di Interior a informa, aunke no tabata cla si e tabata relaciona cu e atake.
Ministerio Publico di Paris a habri un investigacion pa terorismo.
Rond di 250 persona tabata den e interios di e centro comercial Carrousel du Louvre y lo mester a wordo evacua. E stacion di metro a wordo cera, Cadot a bisa.
Estado di emergencia
Louvre, elegi como e museo di mas popular na mundo na 2016, ta hogar di e pintura Mona Lisa, e Venus de Milo y Codigo de Hammurabi, entre otro obranan famoso.
Pero despues di un serie di atake terorista na Francia, e bishitantenan a cay.
Aña pasa 7.3 miyon di persona a bishita e museo, un caida di 15% compara cu 2015, segun e agencia di noticia Francies, AFP.
E estado di emergencia tabata na vigor den henter Francia desde e atakenan terorista di Paris na November di 2015, caminda cu 130 persona a fayece y cientos a resulta herida. Na Januari di e aña ey, 17 persona a muri den e atakenan riba e revita satirico Charlie Hebdo, un tienda di comestiblenan kosher y e suburbio Parisino di Montrouge.
Na Juli ultimo, un Tunecino radicalisa a manda un truck di 20 ton contra e multitud congrega riba e Promenade des Anglais na Nice durante e celebracion di e Dia di Bastille, matando 86 persona y heridando otro 200.
Autoridadnan ta sigui monitorea miles di presunto Islamitanan radical.
Fuente: CNN en Español