Loke AZV por bisa cu tin u total di 2100 persona cu no a busca nan zorgpas pero keto bay ta den sistema di AZV segun vocero di AZV, Solange Tchong. AZV por papia di loke tin inscribi den data y ta resta e grupo ya menciona den 2015 cu no a busca zorgpas, pero cu ta inscribi na AZV.
Nos por a corda den 2015 tabata tin un grupo grandi di 52 mil persona cu mester a busca nan zorgpas y for di e grupo aki cu awor aki, yegando 2016, ainda 2100 persona no a show up pa busca nan zorgpas. Pa AZV ta un otro grupo den sentido cu ta wak cu esakinan ta inscribi. Dia cu nan a bin AZV, ta hendenan cu a meld cu tur nan documentonan na ordo pero di un manera of otro, nan no a yega mas pa busca e zorgpas.
AZV a haci varios intento pa comunica, entre otro manda carta. Hustamente cu tin e comparacion di data di censo por a controla riba e adresnan. Di parti di AZV a haci uzo di e adresnan di Censo, pero dado momento a saca varios comunicado pa asina si e persona no tabata na e adres corecto of e adres a caduca y no a cambie na AZV of den practica hendenan cu a muda pero no a bay Censo cumpli eigenlijk cu e tarea importante pa Censo ta na altura cu a cambia di adres.
Kico AZV a haci ta prome luga comunica personalmente, esta via carta, pero a saca diferente anuncio y aviso via medio di comunicacion, pa asina yega na e personanan aki. Lamentablemente tin cu toch deduci cu di un manera of otro e informacion sea cu no a yega of e hendenan aki ta inscribi pero e pregunta ta e ora unda nan ta. AZV en todo caso tin na momento cu nan tabata den nan sistema, e momento cu nan a meld na AZV, nan por a cumpli cu tur rekisito, segun Tchong.