Cu solamente un poco di ehercisio intenso cda dia, por yuda algun mucha y adolescente reduci su riesgo di desaroya problemanan cardiaco y diabetes, algun investigador ta afirma.
E estudio nobo aki a observa casi 11,600 mucha di 4 pa 18 aña di edad na Merca, Brasil y Europa.
E investigadornan a haya cu reemplasa ehercisio leve cu incluso apenas 10 minuut pa dia di actividad intenso por ofrece algun beneficio cardiometabolico significativo na hobennan cu tin cinturanan relativamente grandi y nivelnan eleva di insulina den sanger. E factornan aki ta pone den riesgo di desaroya problemanan cardiaco y enfermedadnan metabolico, manera diabetes tipo 2.
“E resultadonan ta sugeri cu substitui ehercicio leve di duracion mas largo cu algun cantidad modera di actividad fisico vigoroso, por tin beneficionan metabolico cu ta supera na esunnan ofreci pa actividad modera y e evitacion di e conducta sedentario,” e autor lider, Justin Moore, a afirma.
Moore ta profesor asociado di medicina familiar y comunitario den e Centro Medico Bautista Wake Forest, na Winston Salem, North Carolina. El a anota cu tin mester di mas investigacion, pasobra mester tuma na cuenta factornan adicional cu ta contribui na riesgo di enfermedadnan, manera dieet y genetica.
“Si e estudionan aki ta duna algun resultado robusto, un dosis relativamente breve pero intenso di actividad fisico, kisas inclunos apenas 10 minuut pa dia, algo cu sin duda ta factibel pa mayoria di hoben, por resulta di ta parti di un “receta” pa e much y adolescentenan alcansa of mantene un salud cardiaco y metabolico,” Moore a afirma den un comunicado di prensa di e centro medico.
E estudio ta aparece den un edicion reciente di e revista Medicine & Science in Sports & Exercise.
Fuente: Health Day