AIN SEFRA, Algeria – Uno nunca por spera di haya sneeuw riba Sahara, e desierto di mas cayente di mundo y cu ta ubica na Africa. Sin embargo, e fotografo aficionado Karim Bouchetata, a tuma algun shot dialuna di e increibel fenomeno aki cu a sosode den e localidad di Ain Sefra.
Segun e corant Britanico, Daily Mirror a informa, e ultimo biaha cu a regitra un caida di sneeuw den desierto di Sahara tabata dia 18 di Februari 1979. Riba e dia ey, sneeuw a cay riba e ciudad desertico chikito di Sahara di Ain Sefra y e tormenta blanco a dura menos di un ora. Bouchetata, kende a publica e imagennan di e duinnen cubri di sneeuw riba su cuenta di Facebook, unda esaki a bira virtual, a bisa na periodistanan cu el a sinti su mes obliga pa saca potret di e escena aki pa posteridad.
“Tur hende tabata impacta pa mira e sneeuw cay den desierto, ta un evento hopi raro. E sneeuw riba e santo tabata mustra maraviyoso (…) El a keda durante un dia y awo el a dirgi,” el a comenta. E sneeuw no a dura hopi. El a dirgi despues di solamente un dia, tempo suficiente pa saca varios shot.
Fuente: http://www.capital.com.pe/