Dos siman pasa den reunion cu Prome Minister, a presenta e di prome edicion di e vision di SNBA cu ta bayendo un tiki mas aleu te cu aña for di 2018 te cu 2020 pa tuma accion di manera inmediato. Sr. Andres Hernandez, Presidente di San Nicolas Busines Association ta amplia (SNBA).
Esaki a cay hopi na agrado di Prome Minister y pareu cu locual ta papia, esaki ta den su idealnan. El a bay asina bon cu a dicidi di invita na Sr. Mario Croes pa bin cu splicacion y haci un presentacion pa areanan un pa San Nicolas y un pa Oranjestad.
Tin simpatia di e Prome Minister pa e ideanan cu a trece pa San Nicolas y awo padilanti dilanti ta spera pa haci un Townhall meeting pa fin di Juni, tentativamente. Lo bay convoca tur e stakeholders, fundacion y tur esunnan concerni pariba di brug.
Aparte cu no ta solamente pa San Nicolas sino cu ta bay wak cu e ta envolvi henter Aruba cu cambionan positivo den general. Esaki ta un vision unda cu tin e refineria manera un extra y pa prome biaha ta presenta con pa yega na algo positivo pa San Nicolas, sea cu of sin refineria.
Ta conta cu e ehecucion di e planan cu a trece dilanti pa pariba di brug, cu ta encera tur e vision di SNBA y ta puntra na gobierno pa haci sin cu tin cu conta practicamente cu ni un inversion gigante directamente di e caha di gobierno anto bon organisa y hinca den otro, caminda cu si tin mester di inversion na futuro ta pasobra e ta bay ta bon pa Aruba.
Den relacion cu e reforma fiscal ta bezig trahando un pakete riba esaki pa yega na Minister di Economia y keda busca un forma cu algun bentaha economico y busca inversionistanan grandi, mediano y chikito pa bin cu negoshi na San Nicolas.
Caminda cu tin espacio di 20% availabel unda mayoria di e mesun comerciante bieu a keda bon para semper y SNBA ta kita e sombre pa nan. Inclusive tin un par di negoshi nobo cu a drenta cu algun cu relacion cu refineria pero otro cu no y na ta realmente emociona y agresivo pa logra cambionan positivo.
Berdad cu di tur e plan cu tabata tin den pasado a pone nan hunto y a bin cu ideanan fresco pa traha e vision nobo cu a trece dilanti awor aki SNBA, segun Sr. Hernandez, di San Nicolas Business Association (SNBA).