SKOA kier pa school sigui te atardi pa muchanan no subi caya

10

Directora di SKOA, Sra. Jossette Daal a splica cu SKOA lo kier pa scolnan sigui te atardi, pa asina e muchanan no ta subi caya.

Lo ta un hopi bon idea pa sigui educa e muchanan. Por dun’e lesnan den drama, arte, deporte. Esaki por ta un alternativa pa nan no ta nan so na cas, ya cu awendia, ambos mayornan ta traha. Den e parti di merdia, por pone mas atencion na e desaroyo personal di e mucha. Traha riba su persoonlijkheidsvorming.

Un proyecto asina si lo costa hopi placa, pero segun Sra. Daal, tin otro alternativanan, p.e. Centro di Barionan, cu por activa nan na unda mucha ta sali for di scol y por haya su mes envolvi den actividadnan asina.
Hopi ta wordo bisa, cu ta un manera di tene e muchanan for di ariba caya, pero segun Sra. Daal, esey no ta e caso. E mucha no ta ariba caya, pero simplemente e no tin supervision despues di scol. Ambos mayor ta traha como tal cu e mucha ta keda su so.

10 COMMENTS

  1. Skolnan mester sigui te atardi eigenlijk pa promove education i asina juda mehora e education di nos jovenan.
    Un biaha cu bo bai promoot pa nan no subi caya bo ta perdiendo e importancia di education.

  2. E mester bira obligatorio cu despues di scol e mucha por desaroya su mes den musica, deporte, arte etc. Hopi mayor no tin manera pa paga un hobby pa nan yiunan. Ta p’esey nos tin hopi problema social pasobra e muchanan no tin nada di haci despues di scol y ta keda cas sin supervision pasobra mayornan mester traha.

  3. Wel mi ta spera cu esaki no ta obligatorio paso no ta tur mama ta traha te atardi. Ami a opta pa traha mainta so paso mi ta hañe hopi malo pa un yui ta cu su famia porta un 2 pa 3 ora pa dia so prome cu e drumi. (Ya, tin caso nan cu financieramente esaki no ta posibel, eora tur dos mayornan tin cu traha full time.) Pero si ami ta na cas atardi mi yuinan no ta bai keda scol te atardi. Helemaal niet. Mi no ta mind nan bai paar 1 of 2 dia durante e siman pa haya lesnan di drama, arts enz (alcontrario, esey ta hopi leuk pa nan) pero no 5 dia pa siman cu nan no ta pasa hunto cu nan famia. Esaki ta e causa di hopi di nos problemanan social awendia. Muchanan no ta wordo lanta pa nan famia mas y pa hendenan straño. Bunita iniciativa pa mayornan cu ta obliga di traha full time, pero mester tene cuenta cu esaki no ta e caso pa tur mayornan ( dus e no mester cai bou di leerplicht). Y alabes un otro opcion ta cu mester duna mas oportunidad pa mayornan cu kier traha menos ora pa dia pa por pasa mas tempo cu nan yuinan. Na varios paisnan rond mundo esaki ta un realidad caba (asta Hulanda) dikon esaki no por na Aruba?

  4. Gobierno mester hasie mane antes, skol ta cuminsa 7.45 pa 12or muchanan ta bai cas 12or bai skol bek 1or te cu 3or.

  5. Waw great. E idea aki ta tremendo, pero awo e skolnan cu no tin airco? E ta dificil pa muchanan concentra den calor. Prome haya airco pa e klas nan y despues bay pensa riba e verlenging di e ora nan.

  6. miho no paso e muchanan cu ta caba 12:45 pm si nan tin un vrij vu nan por cambia nan por bai nan basis y bisa cn ta na nn juff y meneer MI TA PAPIA DI TUR E MUCHANAN DI MAVO NOS KIER CABA MAS TREMPAN PA WAK NOS MAYORNAN Y NOS MENEER NOS LO PREFERA PA SCOL TA MENOS PA NOS TIN MAS TEMPO CU FAMIA Y AMIGA SI NOS NO SOCIALISA NOS NO TA HAJA AMIGA Y SI NOS NO TIN AMIGA NOS NO POR TIN UN FUTURU SO LAGA SCOL BIRA MENOS PLZ TUR MUCHANAN KIER CABA TREMPAN

Comments are closed.