Durante un control na altura di Paseo Herencia, a papia cu un manager eynan, kende a declara cu un dama a wordo molestia pa un homber straño na altura di The Cinemas. E dama B., a para su auto den e parkinglot di Palm Beach Plaza, ora cu diripente un homber straño pe a bati ina su bentana di auto. E homber a pidie un lift pa Playa unda e lo ta biba. B. a nenga y tabata na caminda pa e bay wak un pelicula den Cinema. E homber a sigui’e te na e cinema. Hasta den e cinema e homber a cana drenta paden te ora cu e dama a sali for di e sala di proyeccion. Security y despues polis a wordo poni na altura di esaki. Polis a topa cu e homber riba e roltrap di e cinema. El a comporta su mes hopi straño y nervioso. Tabata trata aki CDG. Despues cu a controla via Central, parce cu e tabata tin hopi antecedente relaciona cu ladronicia, atraco, etc. Parce cu G. tambe tabata un (ex) uzado di droga.
El a caba di bin for di Hulanda y segun el a bisa, tabata en busca di trabao. Practicamente e no tabata tin placa mas. El a wordo manda Aruba bek pa su ruman homber na Hulanda. Eynan tambe e tabata tin problema cu polis. Polis a wordo pidi pa dune un lift pa su cas y alabes pa evita problema. No tabata tin ningun hecho castitgabel te asina leu. Su tas a wordo ristra door di polis y no tabata tin nada en particular.
Despues polis a sigui cu patruya den e area di hotel. Por spera cu G. lo frecuenta e area di hotel cu mas frecuencia y lo bay tene cuenta cu esaki. E tabata mustra no di confia y tabata comporta masha straño mes.