Trahadonan di Costa Linda pa basta tempo caba ta afilia na sindicato STA. Y nan a yega e cantidad cu nan tabata tin mester pa solicita un referendum. Sr. Diego de Cuba, ta splica.
Di e 28 personanan cu derecho di voto, 17 a vota pro STA. Esaki automaticamente ta duna STA e derecho di representa e trahadonan aki oficialmente. Si mester bisa cu mescos cu hopi departamento di hopi hotel, cu nan tambe tin hopi problema andando. Esaki no ta bay ta e ultimo departamento di hotel cu lo bay afilia na STA.
Tur compania y tur empleado tin derecho di representacion sindical. Ta hopi prudente pa afilia na un sindicato pa tin un contracto colectivo. Asina nan ta tene nan mes na reglanan di wega. Den e caso specifico di Costa Linda, e departamento di Mantainance, e no ta bay ta diferente. Bo ta evita tambe cu hopi cos pasa tras di cortina. Tin hopi cos ta pasa na pia di trabao, cu hopi hende no sa. Tin hopi bullying ta pasa na pia di trabao, cu niun hende no ta haya sa nunca. Ora cu e cosnan aki sosode, e ta haci dolor.
Ora cu e hendenan aki afilia na sindicato, y tuma nota di locual ta sosodiendo, e cos aki ta duel nan masha hopi mes. Aruba ta un pais den desaroyo y na 2018, ainda cosnan aki ta pasando? Placa no ta yega. Mester haci algo cu e situacion actual. E salario minimo ta un farsa, cu mester wordo subi, con para lo keda. Mirando tur e medidanan cu a wordo tuma door di gobierno anterior y tur esunnan cu ta bay wordo tuma door di e gobierno actual, ta bay haci e situacion mas dificil ainda. Pa loke ta Costa Linda, Sr. de Cuba ta duna un pabien grandi na nan.
Tur esunnan cu a sostene e referendum cu nan voto, ta un derecho sagrado di tur. E trahadonan aki na Aruba, pa eherece nan derecho di voto. No obstante esaki, mester bisa cu ta di lamenta e intimidacion cu toch a tuma luga. Ta spera cu esaki no ripiti den futuro. Ta spera cu esaki no ripiti den futuro. STA lo manda un carta pa gerencia di Costa Linda, pa sinta mas pronto posibel cu nan, pa trece e problemanan aki dilanti y aclaria esaki. Tambe nan lo bin cu’n concepto di un contracto colectivo y trata na negocia lo mas pronto posibel.
Un total di 28 miembro tabata tin derecho di voto, di cual 19 di nan ta miembro di cual 1 di nan a compronde cu e no por a bin vota y e otro no sa su motibo pa cual e no a bin vota. Dus total 17 a vota, y tur a vota pa STA. Ta 15 voto STA tabata tin mester pa gana y nan a haya 17.
Tin otro departamentonan, manera esun di Housekeeping, tabata warda e resultado di referendum y despues di e resultado, nan lo sigui cu e yenamento di formulario pa afilia na sindicato. Pero Food & Beverage no sa ainda si nan lo uni nan mes na e lucha aki. esey lo ta hopi prudente si nan haci esey, e ora lo tin un solo contract colectivo pa e hotel, cual ta mas eficiente tambe. Ya cu si mester bay cera un contracto colectivo pa un departamento si y otro no, e ta bira frustrante, cu ta trece un desbalansa tambe den e compania, segun Sr. Diego de Cuba, lider di sindicato STA.