DEN HAAG, Hulanda – E sindicato General di Educacion no ta mira nada den e plannan pa kleuterklas cu e ministeri di Enseñansa a presenta dialuna. “E ministerio ta compara “doorkleuteren” cu zittenblijven den grupo shete y ta mustra cu e no ta compronde nada di enseñansa pre escolar (kleuteronderwijs),” segun sindicato di docentenan.
Secretario di Estado Sander Dekker (Enseñansa), a propone hunto cu e PO-raad, un guia pa scolnan basico pa haci e guia di kleuternan mas soepel posibel ora cu nan bay grupo tres (1ste klas). Di e manera aki Dekker ta na fabor pa por laga e muchanan stroom door mas frecuente durante e aña, cu solamente den zomer.
Segun e sindicato di educacion, mester dicidi riba mas “kleutertijd” ta wordo laga den man di e docente. “Tur hende cu a drenta un kleuterklas, sa cu cerca muchanan di cinco aña no solamente e pregunta ta si nan por skirbi y conta rapido, pero ta juist si nan ta cla completamente cu nan desaroyo pa grupo tres,” segun e sindicato.
Dialuna mainta a keda conoci cu kleuternan relativamanete ta keda sinta mas biaha den scol basico, mientras cu menos alumno den enseñansa primario ta keda atrasa. E cantidad di muchanan cu ta keda un aña mas largo den kleuter, ta preocupa e secretario di estado Dekker. El ta haci un yamada pa e scolnan basico bin den accion, pasobra for di un investigacion a sali afo cu muchanan no ta keda probecha di e di tres aña di kleuterklas.
“Kleuternan ta desaroya den pisada. Algun di nan na December por ehempel, ta cla diripente pa bay grupo 3. E ora lo ta un pica pa nan pasa full un aña den kleuter y nan no ta haya e retonan directo cu nan tin mester,” segun Dekker.
E sindicato di enseñansa ta pensa cu e paso di Dekker tin un rason financiero, pasobra “doorkleuteren” ta caro.
Fuente: De Telegraaf