Patia ta un di e frutanan cu mas ta wordo recomenda pa rehidrata e curpa y promove desintoxicacion di e organismo.
E ta wordo caracterisa pa su contenido halto di awa, ademas di substancianan antioxidante y fibranan natural cu ta conferi na propiedadnan medicinal.
Su pulpa hugoso por wordo probecha den preparacionnan di bebida, aunke tambe por come su so y den salada.
Loke hopi ta desconoce ta cu su simianan, loke hopi ta benta afo, tambe ta conta cu nutriendenan esencial y propiedadnan cu por mehora salud.
Esakinan por wordo probecha pa elabora un infusion natural, cual consumo ta regula den e mehoracion di funcionnan di varios sistema di e curpa y ta preveni e desaroyo di algun malesa.
A continuacion nos kier comparti su 8 beneficionan principal y un simpel receta pa traha na cas.
Disfruta di dje.
1.Ta proteha e higra
E propiedadnan antiinflamatorio y depurativo di e infusion di simia di patia ta un gran apoyo pa promov e bon funcionamento di e higra.
Su consumo ta faborece e eliminacion di toxinanan reteni den su tehidonan y, di paso, ta yuda disminui e exceso di vet y colesterol.
2. Ta haci e niernan limpi
E bebida elabora cu e simia aki, ta un diuretico natural cu ta stimula e limpiesa di e niernan pa promove e materialnan di desecho cu por keda acumula den su tehidonan. Su propiedadnan ta incrementa e produccion di urina pa regula e nivelnan di likido di e curpa y, di paso, elimina e metalnan pisa.
Di su banda, ta ideal pa haci e conductonan urinario limpi y reduci e riesgo di desaroya infeccionnan den e organismo.
3. Mehora e salud cardiovascular
E arginina, un aminoacido presente den e bebida aki, ta facilita e control di e presion arterial y ta mehora e paso di sanger atrabes di e arterianan.
E substancia aki, agrega na e antioxidantenan, ta mehora e funcionamento cardiaco y ta disminui e riesgo di padece patologianan cronico manera e unsuficiencia of ataca.
Di un otro banda, su poder diuretico ta facilita e limpiesa di sanger y ta regula e nivelnan di colesterol malo (LDL) y trigliceride.
4. E ta combati barica cera
Apesar di su tamaño y textura, e simianan di patia ta un fuente importante di fibra dietetico, un nutriente cu ta yuda combati barica cera.
Su efecto di laxante light ta promove e eliminacion di e desechonan reteni den e colon y di su banda, su nutrientenan ta alimenta e flora microbiano cu ta protehe.
5. Ta fortalece e sistema inmunitario
E simianan aki ta contene interesante cantidadnan di vitamina A y C, ambos necesario pa reforsa e salud inmunitario y preveni malesa.
Su aportenan di hero y magnesium ta apoya e produccion di celnan cora y di paso, ta aumenta e presencia di anticurpa cu ta ataca e agentenan externo y infeccioso.
6. Ta preveni embehecimento prematuro
E infusion di e simianan di patia tin substancianan antioxidante cu ta proteha e celnan frente e accion negativo di e rradicalnan liber di ambiente.
E particulanan dañino ta asocia cu embehecimento prematuro, no solamente di e cuero, sino tambe di e organonan interno y e salud cognitivo.
7. Ta yuda hidrata e curpa
Pa su balor halto energetico, e bebida natural aki ta recomenda pa rehidrata e curpa den e dianan di calor, of si ta bon, tras di haci actividadnan di exigencianan halto fisico.
Su propiedadnan hidratante ta yuda preveni fatiga y dado cu e ta aporta na mineralnan esencial, e ta ideal pa regula e nivelnan di electrolito.
8. Combati exceso di peso
E efectonan diuretico y depurativo di e infusion aki, ta un gran apoyo pa e personanan cu ta purbando pa perde peso. Si ta bon, e no ta un bebida milagroso ni nada similar, su consumo por yuda mehora e efectonan di dieet riba e actividad metabolico.
Ademas, su consumo ta prolonga e sensacion di saciedad, cual ta clave pa evita sobrepeso.
Con pa prepara e infusion di simia di patia?
E infusion di simia di patia ta hopi facil pa prepara y por wordo haci varios biaha pa siman pa disfruta di su propiedadnan.
Ingrediente
40 simia di patia
4 cup di awa (1 liter)
Preparacion
Mula e simianan di patia fresco y despues di hacinan polvo, pon’e den un canica cu un liter di awa herbi.
Tap’e y lage reposa te ora e yega na un temperatura apto pa consumo.
Modo di consumo
Bebe un cup di e infusion na yuna y warda 30 minuut prome cu come desayuno.
Beb’e 2 pa 3 biaha pa siman.
Bo tabata sa di e propiedad di e simianan aki? Awo bo sa con bon e ta pa bo curpa, no duda den saca probecho na luga di benta nan afo.
Fuente: https://mejorconsalud.com