Simar tin un preocupacion. Segun Marouschka Cornelie, secretario di sindicato Simar, e preocupacion grandi ta, cu no ta trahando segun ley ta bisa. Tin staatsregeling di Aruba cu ta bisa bon cla cu e scolnan cu ta bijzondere scholen y ta bisa precies cua ta, ta bin na remarca pa cuido di parti di Gobierno. Cuido kiermen den sentido cu Gobierno ta cubri gastonan di mantencion te un cierto sentido.
Si bay den landsverordening kleuter, basis & voortgezet onderwijs, ta haya diferente articulo. Capitulo 1, articulo 1 ta papia di bijzondere scholen y capitulo 1, articulo 45 ta papia completamente di kico precies ta cay bao di Gobierno. Y eynan ta unda e problema ta. Ta haya cu tin hopi gasto cu mester wordo cubri, cu no ta wordo cubri. Bo ta haya coleganan, vooral e miembronan semper ta reacciona, en particular ora cu pasa algo cu a pasa awor aki na Dakota, cu ta haya un grupo di docente ta dicidi di pone trabao abao pa haya oido, mientras cu e no mester ta asina. Y no ta nan so. Ta masha hopi scol tin cu no tin airco, cu tin e mesun bentananan aki, of bentananan mas bieu, cu ta deteriora y no ta papia di bentana so, ta papia di tur cos. Muebles, ta papia di mantencion di edificio completo, cu tin cu cay bao di Gobierno. No ta asina cu e ta tumando luga. Den e articulo 45, ta menciona cu tur gasto di tur tipo di scol cu ta bijzonder, mester wordo cubri igual. No ta asina cu scolnan cu ta cay bao di Gobierno, mester ta miho ekipa of miho trata cu scolnan cu ta cay bao di un stichting pasobra nan ta wordo subsidia. E gastonan entre otro ta salario, toelage, uitkering, compensacion. Aankopen, verbouwen, herbouwen, uitbreiding, herstellen, tur cos cu no ta gewone onderhoud, of mantencion chikito. Tambe ta papia di muebles, materialnan di desaroyo, materialnan di scol, tur sorto di gasto, incluso coriente, awa, gas, tur ta cay bao di Gobierno su gastonan.