FRANKFURT/PARIS – E conglomerado industrial Aleman, Siemens y su rival Frances Alstom, a yega diamars na un acuerdo pa fusiona nan operacionnan di trein, loke lo crea un potencia Europeo di e sector, capas di enfrenta miho e avance internacional di e estatal Chines CRRC.
Siemens lo tin un 50 porciento di e sociedad y e presidente ehecutivo, Henri Poupart-Lafarge, lo provee di Alstom, e companianan a bisa den un comunicado, loke ta yuda aplaca e criticanan cu Francia lo tabata cediendo di nobo e control di un di su simbolonan industrial.
E sinergia, producto di e union, ta calcula den mas of menos 470 miyon di Euro, den di cuater aña tras di e ciere di e operacion, segun e texto publica na e website di Alstom.
“E fusion Franco-Aleman aki di igual, ta manda un fuerte señal den hopi sentido. Nos ta pone e idea di Europa na funciona cu nos amigonan di Alston, creando un gigante Europeo nobo di e sector di trein pa largo plazo,” e presidente ehecutivo di Siemens, Joe Kaeser a bisa.
E operacion ta un reves pa e grupo Canadiense Bomardier, cu tambe a negosha cu Siemens, segun fuentenan a bisa y ta enfrenta un prueba duro pa mantene luganan di trabao na Quebec y Noord Ierland.
E negoshinan di transporte di Siemens y Alston, cu ta inclui e treinnan di velocidad halto TGV Frances y e Aleman ICE, tabata tin benta cu a suma en conhunto mas of menos un 15 mil miyon di Euro den e ultimo aña fiscal.
Fuente: www.reuters.com