INTERNACIONAL
TIJUANA, Mexico- E criatura a ricibi al menos 4 tiro den su cabes y su brasanan. Esaki a sosode ora cu un homber a ataca su tata den nan cas. E tata a caba di sali for di e prizon.
E homber a tira contra di e cas unda e tata tabata bibando cu su yiu muhe, cu a resulta mortalmente herida.
E mainta di diahuebs, den e colonia Lomas del Rubi di Tijuana, ciudad cu ta na frontera cu Baja California, un homber arma a mata un mucha di 3 aña.
E homber a herida e tata di e criatura tambe, identifica como Ricardo Fox Sandoval, di 31 aña cu a ricibi 4 tiro. E ta den interna den estado critico.
Prensa local a informa cu bisiñanan di e colonia a raporta e agresion na autoridadnan. Polis y paramediconan a yega na e luga pa atende cu e criatura y su tata. Pero e mucha a muri na e luga di e incidente, mientras cu e tata ta gravemente herida.
Autoridadnan a logra recupera al menos 6 cashi di bala di 9 mm.