Arubaanse Voetbal Bond (AVB) a organisa 20 di November un Women’s Football Expo na Renaissance Convention Center. Soccer Institute Aruba (SIA) tambe a apoya e proyecto aki completamente y tambe a para na e Expo cu un booth.
Maske cu e weer no a coopera mucho riba e dia mes, e interes di parti di varios mucha muhe y hende muhe tabata grandi. E team di SIA a para cla cu hopi entusiasmo pa por atende diferente pregunta y duna informacion. SIA ta conta e evento aki como un exito ya cu a haya varios inscripcion di damas pa un trainingsessie.
Tur e damanan cu a inscribi pa un training sessie a pone nomber den tombola pa competi pa algun premio cortesia di Aruba Marriott Resort y The Palm Island. E nombernan ganado a wordo saca 25 di November na Stadion Frans Figaroa, y a haci entrega di premio di dinner for 2 na La Vista di Marriott Resort, carchi pa Palm Island y tambe di gift certificates.
E sponsornan di Soccer Institute Aruba (SIA) ta apoya futbol activamente door inverti tempo y material pa por motiva y duna hobennan oportunidad pa practica e deporte aki riba un nivel halto. Sin ayudo di sponsornan manera Aruba Marriott Resort, The Palm Island, Juanchi’s, doc Opleidingen y Shoco Snack tur e esfuersonan lo no ta posibel.
SIA ta un scol di futbol cu a ser funda na aña 2015, pa un grupo di profesional, cu experiencia den enseñansa di e deporte aki, den fasenan formativo aki na Aruba y na Hulanda.
SIA tin un ekipo tecnico altamente cualifica cu experiencia den training internacional. SIA su meta ta pa mehora e habilidad tecnico den muchanan entre 6 cu 14 aña, dunando e muchanan aki entrenamento suplemental, banda di nan entrenamento regular cu nan club. SIA a diseña programanan specifico cu e meta di mehora e nivel di conocemento di futbol y di tecnica di e atletanan hoben.
Pa mas informacion por email [email protected] of bishita e website siaruba.com