Santa Rosa ta corda tur piscador pa tene bon cuenta cu piscanan cu por ta contamina dor di e oilspill. Sra. Nathaly Maduro, directora di Santa Rosa ta splica.
Santa Rosa ta den contacto constante cu DOW, ya cu nan ta cay bou di e Klusterafdeling, pa nan traha hunto. A saca un comunicado pa tur Centro di Pesca, Fundacion Centro di Pesca Hadicurari, pa medio di e miembronan di directiva. A notifica e piscadonan personalmente y a saca un comunicado den forma di un flyer, pidiendo tur piscado cu haya piscanan cu tin zeta, pa na prome luga notifica Santa Rosa di biaha, pa nan geef esaki door y na Departamento di Calamidad, como tambe esunnan concerni, unda a pidi nan pa por fabor pa no haci e piscanan aki limpi. Tur hende sa cu petroleo tin su peliger pa e ser humano, dus ta preferibel e ora pa tampoco tir’e bek den lama. Pero hink’e den un saco, hib;e dump, dus cualkier caminda safe y ta evita di tir’e bek den lama, unda cu e contaminacion ta keda.
Al momento, Santa Rosa ta bezig ta monitorea e caso aki y ta den contacto cu Departamento di Salubiridad pa wak kico ta nan punto di bista ariba esaki y kico Santa Rosa lo mester informa e piscadonan.
Sra. Maduro a splica cu, personalmente, desde cu e ta trahando na Santa Rosa, e ta pasa den e experiencia aki. Pa su mes persona y su otro coleganan cu ta nobo tambe den e ramo aki, e tabata un experiencia nobo. Pero den su team tin personanan cu amplio experiencia. Nan tin un draaiboek cu aworaki cu e team cu ta haciendo e diferente control y limpiesanan ta siguiendo.
Tambe tin instancianan internacional cu a wordo involucra awo, pa eigenlijk wak kico ta e stapnan mas responsabel pa tuma aworaki mirando con e situacion ta, segun Sra. Nathaly Maduro, directora di Santa Rosa.