E prome caso di detencion den caso di maltrato animal den historia di Aruba a tuma luga. Autoridadnan a bay cu e doño. Aunke cu e no a keda deteni pa largo, toch e mester presenta dilanti hues pa duna cuenta. Sra. Geraldine Kock ta amplia.
Caso di cacho Luna ta un caso caminda cu e doño lo mester splica kico a bay robes cu Luna, ya cu no ta algo di un rato loke a sosode cu Luna, pero ta algo cu a sosode pa lunanan largo. No ta conoci kico ta e motibo pa e maltrato di e cacho Luna, ya cu e doño a bisa cu e no a haci nada malo pero cu e cacho tabata malo, y cu e tabata buscando ken por yud’e cu Luna.
Doño di Luna, segun Sra. Kock por a compronde for di autoridadnan competente, ta cu e doño di Luna tin mas animal na su cas. Pa loke ta e futuro di Luna, e ta bay tin un bon futuro. Luna ta bay haya su tratamentonan, e tin un tumor, pero e lo wordo opera ora cu e ta mas fuerte, e lo haya su quimoterapia.Aworaki e ta hayando tratamento pa su hartwormen, y ora cu tur esaki ta tras di lomba, e ora ey lo busca un hogar pa Luna.
Si tin cualkier persona cu kier yuda den casonan asina manera di Luna, nan por tuma contacto cu e organisacion www.newlifeforpaws.org of si nan kier e mas ariba un base personal, nan por add Sra. Zoraida Conijn ariba su facebook page.